IND vs NZ ODIs Stats: ਵਨਡੇ ਇਤਿਹਾਸ ਵਿੱਚ ਨਿਊਜ਼ੀਲੈਂਡ ਖ਼ਿਲਾਫ਼ ਭਾਰਤ ਦੇ ਪੰਜ ਸਰਵੋਤਮ ਬੱਲੇਬਾਜ਼, ਕੋਹਲੀ ਵੀ ਸੂਚੀ ਵਿੱਚ ਸ਼ਾਮਲ

ਭਾਰਤ ਅਤੇ ਨਿਊਜ਼ੀਲੈਂਡ ਦੀਆਂ ਟੀਮਾਂ 15 ਨਵੰਬਰ ਨੂੰ ਸੈਮੀਫਾਈਨਲ ਵਿੱਚ ਇੱਕ ਦੂਜੇ ਨਾਲ ਭਿੜਨਗੀਆਂ। ਇਸ ਤੋਂ ਪਹਿਲਾਂ ਜਾਣੋ ਇਨ੍ਹਾਂ ਦੋਵਾਂ ਟੀਮਾਂ ਵਿਚਾਲੇ ਵਨਡੇ ਮੈਚਾਂ 'ਚ ਭਾਰਤ ਵੱਲੋਂ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਕੌਣ ਹਨ।

IND vs NZ ODIs Stats

ਭਾਰਤ-ਨਿਊਜ਼ੀਲੈਂਡ ਵਨਡੇ ਮੈਚਾਂ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਦਾ ਰਿਕਾਰਡ ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ ਦੇ ਨਾਮ ਹੈ। ਉਸ ਨੇ 1990 ਤੋਂ 2009 ਦਰਮਿਆਨ ਕੀਵੀ ਟੀਮ ਵਿਰੁੱਧ 42 ਮੈਚਾਂ ਦੀਆਂ 41 ਪਾਰੀਆਂ ਵਿੱਚ 1750 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ ਸਚਿਨ ਦੀ ਬੱਲੇਬਾਜ਼ੀ ਔਸਤ 46.05 ਰਹੀ ਹੈ।

ਇਸ ਮਾਮਲੇ 'ਚ ਵਿਰਾਟ ਕੋਹਲੀ ਦੂਜੇ ਸਥਾਨ 'ਤੇ ਹਨ। ਕੋਹਲੀ ਨੇ ਕੀਵੀ ਟੀਮ ਖਿਲਾਫ ਹੁਣ ਤੱਕ 29 ਮੈਚ ਖੇਡੇ ਹਨ ਅਤੇ 1433 ਦੌੜਾਂ ਬਣਾਈਆਂ ਹਨ। ਨਿਊਜ਼ੀਲੈਂਡ ਦੇ ਖਿਲਾਫ ਵਿਰਾਟ ਨੇ 55.11 ਦੀ ਔਸਤ ਨਾਲ ਦੌੜਾਂ ਬਣਾਈਆਂ। ਨਿਊਜ਼ੀਲੈਂਡ ਖਿਲਾਫ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਸਿਖਰਲੇ 5 ਬੱਲੇਬਾਜ਼ਾਂ 'ਚੋਂ ਵਿਰਾਟ ਇਕਲੌਤਾ ਅਜਿਹਾ ਖਿਡਾਰੀ ਹੈ ਜੋ ਇਸ ਸਮੇਂ ਭਾਰਤੀ ਟੀਮ ਦਾ ਹਿੱਸਾ ਹੈ।

ਇੱਥੇ ਵਰਿੰਦਰ ਸਹਿਵਾਗ ਤੀਜੇ ਸਥਾਨ 'ਤੇ ਹਨ। ਸਹਿਵਾਗ ਨੇ ਨਿਊਜ਼ੀਲੈਂਡ ਖਿਲਾਫ ਸਿਰਫ 23 ਮੈਚਾਂ 'ਚ 52.59 ਦੀ ਔਸਤ ਨਾਲ 1157 ਦੌੜਾਂ ਬਣਾਈਆਂ ਹਨ।

ਸਾਬਕਾ ਭਾਰਤੀ ਕਪਤਾਨ ਮੁਹੰਮਦ ਅਜ਼ਹਰੂਦੀਨ ਨਿਊਜ਼ੀਲੈਂਡ ਖਿਲਾਫ ਵਨਡੇ ਵਿੱਚ ਚੌਥੇ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਭਾਰਤੀ ਹਨ। ਅਜ਼ਹਰ ਨੇ 1985 ਤੋਂ 1999 ਦਰਮਿਆਨ 40 ਮੈਚਾਂ ਵਿੱਚ 36.06 ਦੀ ਬੱਲੇਬਾਜ਼ੀ ਔਸਤ ਨਾਲ 1118 ਦੌੜਾਂ ਬਣਾਈਆਂ।

ਬੰਗਾਲ ਟਾਈਗਰ ਸੌਰਵ ਗਾਂਗੁਲੀ ਵੀ ਇਸ ਸੂਚੀ ਦਾ ਹਿੱਸਾ ਹਨ। ਸੌਰਵ ਨੇ 1997 ਤੋਂ 2005 ਵਿਚਾਲੇ ਨਿਊਜ਼ੀਲੈਂਡ ਖਿਲਾਫ 32 ਮੈਚਾਂ 'ਚ 1079 ਦੌੜਾਂ ਬਣਾਈਆਂ। ਇਸ ਦੌਰਾਨ ਗਾਂਗੁਲੀ ਦੀ ਬੱਲੇਬਾਜ਼ੀ ਔਸਤ 35.96 ਰਹੀ।