(Source: ECI/ABP News)
ਜੇ ਧਰਤੀ ਤੋਂ ਅਚਾਨਕ ਇਨਸਾਨ ਗਾਇਬ ਹੋ ਜਾਣ ਤਾਂ ਕੀ ਹੋਵੇਗਾ, ਪੜ੍ਹੋ ਹੈਰਾਨ ਕਰਨ ਵਾਲੇ ਤੱਥ
What If Humans Disappeared : ਜਦੋਂ ਤੋਂ ਇਨਸਾਨਾਂ ਨੇ ਇਸ ਧਰਤੀ 'ਤੇ ਰਾਜ ਕਰਨਾ ਸ਼ੁਰੂ ਕੀਤਾ ਹੈ, ਉਦੋਂ ਤੋਂ ਉਨ੍ਹਾਂ ਨੇ ਆਪਣੇ ਅਨੁਸਾਰ ਧਰਤੀ ਨੂੰ ਬਦਲ ਲਿਆ ਹੈ। ਜਾਨਵਰਾਂ ਤੋਂ ਲੈ ਕੇ ਰੁੱਖਾਂ-ਪੌਦਿਆਂ ਤੱਕ ਦੁਰਗਤੀ ਹੋ ਚੁੱਕੀ ਹੈ ਤੇ ਹੁਣ ਉਨ੍ਹਾਂ ਨੂੰ ਛੋਟੇ-ਛੋਟੇ ਹਿੱਸਿ
What If Humans Disappeared : ਜਦੋਂ ਤੋਂ ਇਨਸਾਨਾਂ ਨੇ ਇਸ ਧਰਤੀ 'ਤੇ ਰਾਜ ਕਰਨਾ ਸ਼ੁਰੂ ਕੀਤਾ ਹੈ, ਉਦੋਂ ਤੋਂ ਉਨ੍ਹਾਂ ਨੇ ਆਪਣੇ ਅਨੁਸਾਰ ਧਰਤੀ ਨੂੰ ਬਦਲ ਲਿਆ ਹੈ। ਜਾਨਵਰਾਂ ਤੋਂ ਲੈ ਕੇ ਰੁੱਖਾਂ-ਪੌਦਿਆਂ ਤੱਕ ਦੁਰਗਤੀ ਹੋ ਚੁੱਕੀ ਹੈ ਤੇ ਹੁਣ ਉਨ੍ਹਾਂ ਨੂੰ ਛੋਟੇ-ਛੋਟੇ ਹਿੱਸਿਆਂ ਵਿੱਚ ਕੈਦ ਹੋ ਕੇ ਰਹਿਣਾ ਪੈ ਰਿਹਾ ਹੈ। ਜਲਵਾਯੂ ਪਰਿਵਰਤਨ ਤੋਂ ਲੈ ਕੇ ਗਲੋਬਲ ਵਾਰਮਿੰਗ ਦੀਆਂ ਸਮੱਸਿਆਵਾਂ ਮਨੁੱਖ ਦੁਆਰਾ ਦਿੱਤੀਆਂ ਗਈਆਂ ਹਨ ਪਰ ਉਸ ਨੇ ਆਪਣੇ ਲਈ ਇੰਨੀਆਂ ਹੈਰਾਨੀਜਨਕ ਕਾਢਾਂ ਵੀ ਕੀਤੀਆਂ ਹਨ, ਜਿਸ ਨਾਲ ਜਾਨਵਰਾਂ ਨੂੰ ਵੀ ਬਹੁਤ ਫਾਇਦਾ ਮਿਲਿਆ ਹੈ। ਅਜਿਹੀ ਸਥਿਤੀ ਵਿੱਚ ਸੋਚੋ ਜੇਕਰ ਮਨੁੱਖ ਅਚਾਨਕ ਗਾਇਬ ਹੋ ਜਾਵੇ ਤਾਂ ਇਸ ਧਰਤੀ ਦਾ ਕੀ ਹੋਵੇਗਾ? ਅੱਜ ਅਸੀਂ ਤੁਹਾਨੂੰ ਇਸ ਦੀ ਇੱਕ ਝਲਕ ਦੇਣ ਜਾ ਰਹੇ ਹਾਂ।
ਇੱਕ ਵੈੱਬਸਾਈਟ 'ਤੇ 'ਕੁਰਿਸ ਕਿਡਜ਼' ਨਾਂ ਦਾ ਇੱਕ ਸੈਕਸ਼ਨ ਹੈ, ਜਿੱਥੇ ਛੋਟੇ ਬੱਚੇ ਆਪਣੀਆਂ ਉਤਸੁਕਤਾਵਾਂ ਨੂੰ ਸ਼ਾਂਤ ਕਰਨ ਲਈ ਸਵਾਲ ਪੁੱਛਦੇ ਹਨ, ਜਿਨ੍ਹਾਂ ਦਾ ਜਵਾਬ ਉਸ ਵਿਸ਼ੇ ਨਾਲ ਜੁੜੇ ਮਾਹਿਰਾਂ ਦੁਆਰਾ ਦਿੱਤਾ ਜਾਂਦਾ ਹੈ। ਹਾਲ ਹੀ ਵਿੱਚ ਇੱਕ 11 ਸਾਲ ਦੀ ਬੱਚੀ ਨੇ ਸਵਾਲ ਕੀਤਾ ਕਿ ਜੇਕਰ ਧਰਤੀ ਤੋਂ ਮਨੁੱਖ ਗਾਇਬ ਹੋ ਜਾਵੇ ਤਾਂ ਅਗਲੇ ਇੱਕ ਸਾਲ ਵਿੱਚ ਧਰਤੀ ਕਿਵੇਂ ਦੀ ਹੋਵੇਗੀ? ਉਨ੍ਹਾਂ ਦੇ ਸਵਾਲ ਦਾ ਜਵਾਬ ਅਮਰੀਕਾ ਦੀ ਆਇਓਵਾ ਯੂਨੀਵਰਸਿਟੀ ਦੇ ਅਰਬਨ ਡਿਜ਼ਾਈਨ ਐਂਡ ਰੀਜਨਲ ਪਲਾਨਿੰਗ ਦੇ ਪ੍ਰੋਫੈਸਰ ਕਾਰਲਟਨ ਨੇ ਦਿੱਤਾ ਹੈ, ਜਿਸ ਨੂੰ ਸੁਣ ਕੇ ਤੁਸੀਂ ਹੈਰਾਨ ਰਹਿ ਜਾਓਗੇ। ਉਸ ਨੇ ਇਹ ਸਾਰੀਆਂ ਗੱਲਾਂ ਸਿਰਫ਼ ਅੰਦਾਜ਼ੇ ਵਿੱਚ ਹੀ ਦੱਸੀਆਂ ਪਰ ਇਹ ਬਿਲਕੁਲ ਸਹੀ ਹਨ ਤੇ ਹੈਰਾਨੀਜਨਕ ਵੀ ਹਨ।
ਸਾਡੇ ਘਰਾਂ ਵਿੱਚ ਕੀ ਆਉਣਗੇ ਬਦਲਾਅ ?
ਜਦੋਂ ਤੁਸੀਂ ਆਪਣੇ ਘਰ ਪਹੁੰਚੋਗੇ ਤਾਂ ਉੱਥੇ ਨਾ ਤਾਂ ਲਾਈਟ ਹੋਵੇਗੀ ਤੇ ਨਾ ਹੀ ਟੂਟੀਆਂ ਵਿੱਚ ਪਾਣੀ ਆ ਰਿਹਾ ਹੋਵੇਗਾ, ਕਿਉਂਕਿ ਪਾਣੀ ਦੇ ਪੰਪਾਂ ਤੇ ਪਾਵਰ ਪਲਾਂਟਾਂ ਨੂੰ ਚਲਾਉਣ ਲਈ ਮਨੁੱਖ ਮੌਜੂਦ ਨਹੀਂ ਹੋਣਗੇ। ਤੁਹਾਡੇ ਬਗੀਚੇ ਵਿੱਚ ਘਾਹ ਇੰਨਾ ਵੱਡਾ ਹੋ ਜਾਵੇਗਾ ਤੇ ਬਹੁਤ ਸਾਰੇ ਨਵੇਂ ਪੌਦੇ ਤੇ ਝਾੜੀਆਂ ਉੱਗ ਜਾਣਗੀਆਂ। ਜਦੋਂ ਕੋਈ ਰੁੱਖ ਦਾ ਬੀਜ ਡਿੱਗੇਗਾ ਤਾਂ ਹੀ ਇੱਕ ਨਵਾਂ ਪੌਦਾ ਜਨਮ ਲਵੇਗਾ। ਘਰ ਮਿੱਟੀ ਘਟੇ ਨਾਲ ਭਰ ਜਾਵੇਗਾ। ਹਵਾ ਵਿੱਚ ਧੂੜ ਹਮੇਸ਼ਾ ਰਹਿੰਦੀ ਹੈ, ਫਰਕ ਸਿਰਫ ਐਨਾ ਹੀ ਹੈ ਕਿ ਉਹ ਸਾਡੇ ਚੱਲਣ ਨਾਲ ਜਾਂ ਝਾੜੂ ਮਾਰਨ ਨਾਲ ਗਾਇਬ ਹੋ ਜਾਂਦੀ ਹੈ।
ਸੜਕਾਂ ਤੇ ਇਮਾਰਤਾਂ ਦਾ ਕੀ ਹੋਵੇਗਾ ?
ਸੜਕਾਂ ਤੇ ਇਮਾਰਤਾਂ 'ਤੇ ਵੀ ਘਾਹ ਉੱਗਣਾ ਸ਼ੁਰੂ ਹੋ ਜਾਵੇਗਾ। ਜਿੱਥੇ ਕਿਤੇ ਵੀ ਤਰੇੜਾਂ ਹਨ, ਉੱਥੇ ਪਾਣੀ ਨਾਲ ਕਾਈ ਜੰਮ ਜਾਵੇਗੀ। ਰਾਤਾਂ ਹੋਰ ਹਨੇਰੀਆਂ ਹੋ ਜਾਣਗੀਆਂ ਕਿਉਂਕਿ ਸੜਕਾਂ ਨੂੰ ਰੋਸ਼ਨ ਕਰਨ ਲਈ ਬਿਜਲੀ ਨਹੀਂ ਹੋਵੇਗੀ। ਸ਼ਹਿਰਾਂ 'ਚ ਲੂੰਬੜੀ, ਭਾਲੂ, ਬਾਂਦਰ ਆਦਿ ਖੁੱਲ੍ਹੇਆਮ ਘੁੰਮਣਗੇ। ਕੁਝ ਸਮੇਂ ਵਿੱਚ ਰਿੱਛ, ਸ਼ੇਰ ਆਦਿ ਜੀਵ ਵੀ ਸ਼ਹਿਰਾਂ ਵਿੱਚ ਘੁੰਮਣ ਲੱਗ ਪੈਣਗੇ। ਅਸਮਾਨੀ ਬਿਜਲੀ ਡਿੱਗਣ ਨਾਲ ਘਰਾਂ ਤੇ ਰੁੱਖਾਂ ਨੂੰ ਅੱਗ ਲੱਗ ਜਾਵੇਗੀ ਪਰ ਉਨ੍ਹਾਂ ਨੂੰ ਬੁਝਾਉਣ ਵਾਲਾ ਕੋਈ ਨਹੀਂ ਹੋਵੇਗਾ, ਇਸ ਕਾਰਨ ਇਹ ਭਿਆਨਕ ਰੂਪ ਧਾਰਨ ਕਰ ਲਵੇਗੀ, ਜਦੋਂ ਤੱਕ ਇਹ ਆਪਣੇ ਆਪ ਬੁਝ ਨਹੀਂ ਜਾਂਦੀ।
ਜਿਨ੍ਹਾਂ ਖੇਤਰਾਂ ਵਿੱਚ ਫੈਕਟਰੀਆਂ ਵਿੱਚ ਰੇਡੀਓਐਕਟਿਵ ਵਸਤੂਆਂ ਬਣਾਈਆਂ ਜਾਂਦੀਆਂ ਹਨ, ਉੱਥੇ ਧਮਾਕੇ ਹੋਣੇ ਸ਼ੁਰੂ ਹੋ ਜਾਣਗੇ ਤੇ ਆਲੇ-ਦੁਆਲੇ ਦੀਆਂ ਚੀਜ਼ਾਂ ਰੇਡੀਓਐਕਟਿਵ ਹੋਣ ਕਾਰਨ ਪਸ਼ੂ-ਪੰਛੀ ਮਰਨੇ ਸ਼ੁਰੂ ਹੋ ਜਾਣਗੇ। ਜਾਨਵਰਾਂ ਦੀ ਆਬਾਦੀ ਵੀ ਤੇਜ਼ੀ ਨਾਲ ਵਧੇਗੀ, ਕਿਉਂਕਿ ਉਨ੍ਹਾਂ ਦਾ ਸ਼ਿਕਾਰ ਕਰਨ ਵਾਲਾ ਕੋਈ ਨਹੀਂ ਹੋਵੇਗਾ। ਹਾਲਾਂਕਿ, ਇਹ ਸਭ ਕੁਝ ਇੱਕ ਸਾਲ ਤੋਂ ਵੱਧ ਸਮੇਂ ਵਿੱਚ ਹੋਵੇਗਾ। ਦੂਜੇ ਪਾਸੇ ਜੇਕਰ ਮਨੁੱਖ ਦੇ ਲੁਪਤ ਹੋਣ ਤੋਂ ਲਗਭਗ 500 ਜਾਂ 1000 ਸਾਲ ਬਾਅਦ ਦੇਖਿਆ ਜਾਵੇ ਤਾਂ ਸਾਡੇ ਸ਼ਹਿਰ ਵੀ ਹੜੱਪਾ-ਮੋਹਨਜੋਦੜੋ ਦੇ ਸ਼ਹਿਰਾਂ ਵਾਂਗ ਖੰਡਰ ਬਣੇ ਨਜ਼ਰ ਆਉਣਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
