![ABP Premium](https://cdn.abplive.com/imagebank/Premium-ad-Icon.png)
Diljit Dosanjh: ਦਿਲਜੀਤ ਦੋਸਾਂਝ ਵੱਲੋਂ ਭਾਰਤ 'ਚ ਟੂਰ ਕਰਨ ਦਾ ਐਲਾਨ, ਮਜ਼ਾਕੀਆ ਅੰਦਾਜ਼ 'ਚ ਵੀਡੀਓ ਸ਼ੇਅਰ ਕਰ ਦਿੱਤੀ ਜਾਣਕਾਰੀ
DIljit Dosanjh India Tour: ਦਿਲਜੀਤ ਦੋਸਾਂਝ ਆਪਣੇ ਇੰਡੀਅਨ ਫ਼ੈਨਜ਼ ਨੂੰ ਤੋਹਫ਼ਾ ਦੇਣ ਜਾ ਰਹੇ ਹਨ। ਜੀ ਹਾਂ, ਭਾਰਤ ‘ਚ ਜਿਹੜੇ ਫ਼ੈਨਜ਼ ਦੋਸਾਂਝ ਦੇ ਮਿਊਜ਼ਿਕ ਸ਼ੋਅ ਦਾ ਇੰਤਜ਼ਾਰ ਕਰ ਰਹੇ ਸੀ। ਉਨ੍ਹਾਂ ਦੇ ਲਈ ਇਹ ਚੰਗੀ ਖਬਰ ਹੋ ਸਕਦੀ ਹੈ
![Diljit Dosanjh: ਦਿਲਜੀਤ ਦੋਸਾਂਝ ਵੱਲੋਂ ਭਾਰਤ 'ਚ ਟੂਰ ਕਰਨ ਦਾ ਐਲਾਨ, ਮਜ਼ਾਕੀਆ ਅੰਦਾਜ਼ 'ਚ ਵੀਡੀਓ ਸ਼ੇਅਰ ਕਰ ਦਿੱਤੀ ਜਾਣਕਾਰੀ punjabi singer actor diljit dosanjh announces born to shine tour in india live concert in mumbai december 9 Diljit Dosanjh: ਦਿਲਜੀਤ ਦੋਸਾਂਝ ਵੱਲੋਂ ਭਾਰਤ 'ਚ ਟੂਰ ਕਰਨ ਦਾ ਐਲਾਨ, ਮਜ਼ਾਕੀਆ ਅੰਦਾਜ਼ 'ਚ ਵੀਡੀਓ ਸ਼ੇਅਰ ਕਰ ਦਿੱਤੀ ਜਾਣਕਾਰੀ](https://feeds.abplive.com/onecms/images/uploaded-images/2022/11/09/4a09a8555765059b8d36d62c232b59d11667973496249469_original.jpg?impolicy=abp_cdn&imwidth=1200&height=675)
Diljit Dosanjh Born To Shine World Tour In India: ਪੰਜਾਬੀ ਸਿੰਗਰ ਤੇ ਐਕਟਰ ਦਿਲਜੀਤ ਦੋਸਾਂਝ ਦੇ ਦੇਸ਼ ਦੁਨੀਆ ‘ਚ ਫ਼ੈਨਜ਼ ਹਨ। ਲੋਕ ਉਨ੍ਹਾਂ ਦੀ ਗਾਇਕੀ ਤੇ ਐਕਟਿੰਗ ਦੇ ਹੀ ਨਹੀਂ ਉਨ੍ਹਾਂ ਦੇ ਸੈਂਸ ਆਫ਼ ਹਿਊਮਰ ਦੇ ਵੀ ਫੈਨ ਹਨ। ਇੰਨੀਂ ਦਿਨੀਂ ਦਿਲਜੀਤ ਆਪਣੇ ‘ਬੋਰਨ ਟੂ ਸ਼ਾਈਨ’ ਵਰਲਡ ਟੂਰ ‘ਚ ਕਾਫ਼ੀ ਬਿਜ਼ੀ ਹਨ। ਉਨ੍ਹਾਂ ਨੇ ਹੁਣ ਤੱਕ ਅਮਰੀਕਾ, ਕੈਨੇਡਾ ਤੇ ਇੰਗਲੈਂਡ ‘ਚ ਲਾਈਵ ਸ਼ੋਅਜ਼ ਕੀਤੇ ਹਨ। ਹੁਣ ਦਿਲਜੀਤ ਦੋਸਾਂਝ ਆਪਣੇ ਇੰਡੀਅਨ ਫ਼ੈਨਜ਼ ਨੂੰ ਤੋਹਫ਼ਾ ਦੇਣ ਜਾ ਰਹੇ ਹਨ। ਜੀ ਹਾਂ, ਭਾਰਤ ‘ਚ ਜਿਹੜੇ ਫ਼ੈਨਜ਼ ਦੋਸਾਂਝ ਦੇ ਮਿਊਜ਼ਿਕ ਸ਼ੋਅ ਦਾ ਇੰਤਜ਼ਾਰ ਕਰ ਰਹੇ ਸੀ। ਉਨ੍ਹਾਂ ਦੇ ਲਈ ਇਹ ਚੰਗੀ ਖਬਰ ਹੋ ਸਕਦੀ ਹੈ, ਕਿਉਂਕਿ ਗਾਇਕ ਨੇ ਅਧਿਕਾਰਤ ਤੌਰ ‘ਤੇ ਅਪਣੇ ਭਾਰਤ ਟੂਰ ਦਾ ਐਲਾਨ ਕਰ ਦਿੱਤਾ ਹੈ। ਦੱਸ ਦਈਏ ਕਿ ਦਿਲਜੀਤ 9 ਦਸੰਬਰ ਨੂੰ ਮੁੰਬਈ ‘ਚ ਮਿਊਜ਼ਿਕ ਸ਼ੋਅ ਕਰਨ ਜਾ ਰਹੇ ਹਨ।
ਦਿਲਜੀਤ ਦੋਸਾਂਝ ਨੇ ਬੇਹੱਦ ਫਨੀ ਅੰਦਾਜ਼ ‘ਚ ਇਹ ਜਾਣਕਾਰੀ ਫ਼ੈਨਜ਼ ਦੇ ਨਾਲ ਸ਼ੇਅਰ ਕੀਤੀ। ਉਨ੍ਹਾਂ ਨੇ ਇੱਕ ਮਜ਼ਾਕੀਆ ਵੀਡੀਓ ਸੋਸ਼ਲ ਮੀਡੀਆ ਤੇ ਸ਼ੇਅਰ ਕੀਤਾ ਅਤੇ ਕੈਪਸ਼ਨ ‘ਚ ਆਪਣੇ ਭਾਰਤ ਟੂਰ ਦਾ ਐਲਾਨ ਕੀਤਾ। ਸੋਸ਼ਲ ਮੀਡੀਆ ‘ਤੇ ਗਾਇਕ ਦਾ ਇਹ ਮਜ਼ਾਕੀਆ ਅੰਦਾਜ਼ ਕਾਫ਼ੀ ਪਸੰਦ ਕੀਤਾ ਜਾ ਰਿਹਾ ਹੈ। ਖਾਸ ਕਰਕੇ ਜਦੋਂ ਦਿਲਜੀਤ ਪੰਜਾਬੀ ਲਹਿਜ਼ੇ ‘ਚ ਹਿੰਦੀ ਬੋਲਦੇ ਹਨ, ਤਾਂ ਉਨ੍ਹਾਂ ਦੇ ਵੀਡੀਓਜ਼ ਤੁਰੰਤ ਵਾਇਰਲ ਹੋ ਜਾਂਦੇ ਹਨ। ਦੇਖੋ ਵੀਡੀਓ:
View this post on Instagram
ਦੱਸ ਦਈਏ ਕਿ ਦਿਲਜੀਤ ਦੋਸਾਂਝ ਪਿਛਲੇ ਦਿਨੀਂ ਆਪਣੇ ‘ਬੋਰਨ ਟੂ ਸ਼ਾਈਨ’ ਵਰਲਡ ਟੂਰ ‘ਚ ਬਿਜ਼ੀ ਰਹੇ। ਹੁਣ ਤੱਕ ਉਹ ਕੈਨੇਡਾ, ਅਮਰੀਕਾ ਤੇ ਇੰਗਲੈਂਡ ‘ਚ ਸ਼ੋਅਜ਼ ਕਰ ਚੁੱਕੇ ਹਨ। ਇਨ੍ਹਾਂ ਸ਼ੋਅਜ਼ ‘ਚ ਦਿਲਜੀਤ ਦੇ ਫ਼ੈਨਜ਼ ਨੇ ਵਧ ਚੜ੍ਹ ਕੇ ਹਿੱਸਾ ਲਿਆ। ਇਹੀ ਨਹੀਂ ਦੋਸਾਂਝ ਦੇ ਅਮਰੀਕਾ ਸ਼ੋਅ ‘ਚ ਪ੍ਰਿਯੰਕਾ ਚੋਪੜਾ ਨੇ ਵੀ ਸ਼ਿਰਕਤ ਕੀਤੀ ਸੀ ਅਤੇ ਤਸਵੀਰਾਂ ਸ਼ੇਅਰ ਕਰ ਦੱਸਿਆ ਸੀ ਕਿ ਉਹ ਪੰਜਾਬੀ ਮਿਉਜ਼ਿਕ ਨੂੰ ਕਿੰਨਾ ਪਸੰਦ ਕਰਦੀ ਹੈ। ਹੁਣ ਦਿਲਜੀਤ ਨੇ ਭਾਰਤ ਟੁੂਰ ਦਾ ਐਲਾਨ ਕਰ ਫ਼ੈਨਜ਼ ਨੂੰ ਖੁਸ਼ਖਬਰੀ ਦਿੱਤੀ ਹੈ। ਤੁਸੀਂ ਅੱਜ ਯਾਨਿ 9 ਨਵੰਬਰ ਨੂੰ 12 ਵਜੇਂ ਤੋਂ ਦਿਲਜੀਤ ਦੇ ਮੁੰਬਈ ਸ਼ੋਅ ਦੀਆਂ ਟਿਕਟਾਂ ਬੁੱਕ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)