(Source: ECI/ABP News/ABP Majha)
Eye Care: ਫ਼ੋਨ ਅਤੇ ਲੈਪਟਾਪ 'ਤੇ ਜ਼ਿਆਦਾ ਸਮਾਂ ਬਿਤਾਉਣ ਨਾਲ ਅੱਖਾਂ 'ਚ ਰਹਿੰਦੀ ਥਕਾਵਟ, ਇਸ ਤਰ੍ਹਾਂ ਕਰੋ ਦੂਰ...ਮਿਲੇਗਾ ਤੁਰੰਤ ਆਰਾਮ
Health Care: ਅੱਜ ਕੱਲ੍ਹ ਲੋਕ ਆਪਣਾ ਜ਼ਿਆਦਾਤਰ ਸਮਾਂ ਲੈਪਟਾਪ ਜਾਂ ਫ਼ੋਨ 'ਤੇ ਬਿਤਾਉਂਦੇ ਹਨ। ਦਫਤਰ ਤੋਂ ਇਲਾਵਾ ਲੋਕ ਲੈਪਟਾਪ ਅਤੇ ਫੋਨ 'ਤੇ ਫਿਲਮਾਂ, ਰੀਲਾਂ, ਵੀਡੀਓ ਜਾਂ ਸੋਸ਼ਲ ਮੀਡੀਆ 'ਤੇ ਜ਼ਿਆਦਾ ਸਮਾਂ ਬਿਤਾਉਂਦੇ ਹਨ।
Health Care Tips: ਅੱਜ ਕੱਲ੍ਹ ਲੋਕ ਆਪਣਾ ਜ਼ਿਆਦਾਤਰ ਸਮਾਂ ਲੈਪਟਾਪ ਜਾਂ ਫ਼ੋਨ 'ਤੇ ਬਿਤਾਉਂਦੇ ਹਨ। ਦਫਤਰ ਤੋਂ ਇਲਾਵਾ ਲੋਕ ਲੈਪਟਾਪ ਅਤੇ ਫੋਨ 'ਤੇ ਫਿਲਮਾਂ, ਰੀਲਾਂ, ਵੀਡੀਓ ਜਾਂ ਸੋਸ਼ਲ ਮੀਡੀਆ 'ਤੇ ਜ਼ਿਆਦਾ ਸਮਾਂ ਬਿਤਾਉਂਦੇ ਹਨ। ਕੁੱਲ ਮਿਲਾ ਕੇ, ਗੱਲ ਇਹ ਹੈ ਕਿ ਨੌਜਵਾਨ ਤੋਂ ਲੈ ਕੇ ਬੁੱਢੇ ਤੱਕ ਹਰ ਉਮਰ ਦੇ ਲੋਕ ਫੋਨ 'ਤੇ ਵੱਧ ਤੋਂ ਵੱਧ ਸਮਾਂ ਬਿਤਾਉਂਦੇ ਹਨ। ਇਨ੍ਹਾਂ ਸਭ ਕਾਰਨ ਲੋਕਾਂ ਦੀਆਂ ਅੱਖਾਂ ਥੱਕ ਜਾਂਦੀਆਂ ਹਨ। ਇੰਨਾ ਹੀ ਨਹੀਂ ਅੱਖਾਂ 'ਚ ਖਾਰਸ਼ ਅਤੇ ਜਲਨ ਦੀ ਸਮੱਸਿਆ ਵੀ ਹੁੰਦੀ ਹੈ। ਇਨ੍ਹਾਂ ਸਭ ਤੋਂ ਛੁਟਕਾਰਾ ਪਾਉਣ ਲਈ ਸਭ ਤੋਂ ਜ਼ਰੂਰੀ ਹੈ ਕਿ ਤੁਸੀਂ ਆਪਣੀਆਂ ਅੱਖਾਂ ਦਾ ਖਾਸ ਧਿਆਨ ਰੱਖੋ। ਹੁਣ ਸਵਾਲ ਇਹ ਹੈ ਕਿ ਅੱਖਾਂ ਉੱਤੇ ਡਿਜੀਟਲ ਦਬਾਅ ਨੂੰ ਘੱਟ ਕਰਨ ਲਈ ਕੀ ਕੀਤਾ ਜਾਵੇ।
ਕੰਮ ਜਾਂ ਕਿਸੇ ਵੀ ਚੀਜ਼ ਦੇ ਵਿਚਕਾਰ ਬਰੇਕ ਲਓ
ਅੱਖਾਂ ਨੂੰ ਆਰਾਮ ਦੇਣ ਲਈ ਸਭ ਤੋਂ ਜ਼ਰੂਰੀ ਹੈ ਕਿ ਤੁਸੀਂ ਵਿੱਚ-ਵਿੱਚ ਬਰੇਕ ਲੈਂਦੇ ਰਹੋ। ਦਫਤਰ ਹੋਵੇ ਜਾਂ ਘਰ, ਬ੍ਰੇਕ ਲੈਣਾ ਬਹੁਤ ਜ਼ਰੂਰੀ ਹੈ। ਹਰ ਅੱਧੇ ਘੰਟੇ ਵਿੱਚ ਸਕ੍ਰੀਨ ਤੋਂ ਇੱਕ ਬ੍ਰੇਕ ਲਓ। ਇੰਨਾ ਹੀ ਨਹੀਂ, ਇਧਰ-ਉਧਰ ਸੈਰ ਜ਼ਰੂਰ ਕਰੋ। ਬਰੇਕ ਦੇ ਦੌਰਾਨ ਮੋਬਾਈਲ ਦੀ ਵਰਤੋਂ ਨਾ ਕਰੋ। ਇਸ ਨਾਲ ਤੁਹਾਡੀਆਂ ਅੱਖਾਂ 'ਤੇ ਸਕਰੀਨ ਦਾ ਪ੍ਰਭਾਵ ਘੱਟ ਜਾਵੇਗਾ। ਜੋ ਅੱਖਾਂ ਨੂੰ ਆਰਾਮ ਦੇਣ ਵਿੱਚ ਮਦਦ ਕਰੇਗਾ।
ਵਿੱਚ-ਵਿੱਚ ਅੱਖਾਂ ਨੂੰ ਝਪਕਦੇ ਰਹੋ
ਲਗਾਤਾਰ ਕੰਮ ਕਰਦੇ ਸਮੇਂ ਅਸੀਂ ਪਲਕਾਂ ਨੂੰ ਝਪਕਣਾ ਭੁੱਲ ਜਾਂਦੇ ਹਾਂ ਪਰ ਤੁਹਾਡੀ ਜਾਣਕਾਰੀ ਲਈ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਝਪਕਣਾ ਕਿੰਨਾ ਜ਼ਰੂਰੀ ਹੈ। ਕਿਉਂਕਿ ਇਹ ਅੱਖਾਂ 'ਤੇ ਦਬਾਅ ਘੱਟ ਕਰਦਾ ਹੈ। ਜਿਸ ਨਾਲ ਅੱਖਾਂ ਦੀ ਥਕਾਵਟ ਅਤੇ ਜਲਣ ਠੀਕ ਹੋ ਜਾਂਦੀ ਹੈ। ਵਾਰ-ਵਾਰ ਝਪਕਣ ਨਾਲ ਅੱਖਾਂ ਵਿੱਚ ਨਮੀ ਬਣੀ ਰਹਿੰਦੀ ਹੈ। ਜਿਸ ਕਾਰਨ ਅੱਖਾਂ ਨੂੰ ਸੁੱਕਣ ਦੀ ਸਮੱਸਿਆ ਨਹੀਂ ਹੁੰਦੀ ਹੈ।
ਸਕਰੀਨ ਲਾਈਟ ਦਾ ਖਾਸ ਧਿਆਨ ਰੱਖੋ
ਫੋਨ ਅਤੇ ਲੈਪਟਾਪ ਦੇ ਮਾਨੀਟਰ ਦੀ ਰੋਸ਼ਨੀ ਨੂੰ ਸਹੀ ਰੱਖੋ, ਇਸ ਨਾਲ ਤੁਹਾਡੀਆਂ ਅੱਖਾਂ ਨੂੰ ਰਾਹਤ ਮਿਲੇਗੀ। ਕਈ ਵਾਰ ਲੋਕ ਮੱਧਮ ਰੌਸ਼ਨੀ 'ਚ ਕੰਮ ਕਰਦੇ ਹਨ, ਜਿਸ ਕਾਰਨ ਅੱਖਾਂ 'ਤੇ ਜ਼ਿਆਦਾ ਦਬਾਅ ਪੈਂਦਾ ਹੈ। ਜੇਕਰ ਤੁਸੀਂ ਘੱਟ ਰੋਸ਼ਨੀ 'ਚ ਲਗਾਤਾਰ ਕੰਮ ਕਰ ਰਹੇ ਹੋ ਤਾਂ ਇਸ ਨਾਲ ਅੱਖਾਂ 'ਤੇ ਕਾਫੀ ਤਣਾਅ ਹੁੰਦਾ ਹੈ। ਇਸ ਲਈ ਮਾਨੀਟਰ ਨੂੰ ਸਹੀ ਰੋਸ਼ਨੀ ਵਿੱਚ ਰੱਖੋ। ਇਸ ਨਾਲ ਅੱਖਾਂ 'ਤੇ ਘੱਟ ਦਬਾਅ ਪੈਂਦਾ ਹੈ। ਜੇਕਰ ਤੁਹਾਡਾ ਕੰਮ ਲੈਪੀ 'ਤੇ ਲਗਾਤਾਰ ਟਾਈਪਿੰਗ ਅਤੇ ਰੀਡਿੰਗ ਕਰਨਾ ਹੈ, ਤਾਂ ਐਡਜਸਟੇਬਲ ਰੱਖੋ।
ਠੰਡੇ ਪਾਣੀ ਨਾਲ ਅੱਖਾਂ ਨੂੰ ਧੋਦੇ ਰਹੋ
ਜੇ ਤੁਸੀਂ ਆਰਾਮ ਕਰਨਾ ਚਾਹੁੰਦੇ ਹੋ, ਤਾਂ ਆਪਣੀਆਂ ਅੱਖਾਂ ਨੂੰ ਠੰਡੇ ਪਾਣੀ ਨਾਲ ਧੋਵੋ। ਠੰਡੇ ਪਾਣੀ ਨਾਲ ਅੱਖਾਂ ਨੂੰ ਧੋਣ ਨਾਲ ਤੁਹਾਨੂੰ ਤਾਜ਼ਗੀ ਦਾ ਅਹਿਸਾਸ ਹੋਵੇਗਾ। ਅਤੇ ਇਸ ਨਾਲ ਤੁਹਾਡੇ ਲਈ ਕੰਮ ਕਰਨਾ ਮੁਸ਼ਕਲ ਨਹੀਂ ਹੋਵੇਗਾ।
ਅੱਖਾਂ ਦੀ ਮਸਾਜ ਕਰੋ
ਅੱਖਾਂ ਦੀ ਮਸਾਜ ਤੁਹਾਨੂੰ ਅੱਖਾਂ ਦੇ ਤਣਾਅ ਤੋਂ ਰਾਹਤ ਦੇ ਸਕਦੀ ਹੈ। ਕੁਝ ਸਮੇਂ ਲਈ ਅੱਖਾਂ ਬੰਦ ਕਰਕੇ ਅੱਖਾਂ ਦੀ ਮਾਲਿਸ਼ ਕਰੋ। ਇਸ ਨਾਲ ਕਾਫੀ ਆਰਾਮ ਮਿਲਦਾ ਹੈ।
Disclaimer: ਇਸ ਲੇਖ ਵਿਚ ਦੱਸੇ ਗਏ ਤਰੀਕਿਆਂ ਅਤੇ ਸੁਝਾਵਾਂ ਨੂੰ ਅਪਣਾਉਣ ਤੋਂ ਪਹਿਲਾਂ,ਕਿਸੇ ਡਾਕਟਰ ਜਾਂ ਸਬੰਧਤ ਮਾਹਰ ਦੀ ਸਲਾਹ ਜ਼ਰੂਰ ਲਓ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
