ਪੜਚੋਲ ਕਰੋ
Advertisement
![ABP Premium](https://cdn.abplive.com/imagebank/Premium-ad-Icon.png)
ਕਿਸਾਨ ਅੰਦੋਲਨ ਵਿਚਾਲੇ ਝੋਨੇ ਦੀ ਖਰੀਦ ਬਾਰੇ ਵੱਡਾ ਖੁਲਾਸਾ
ਖੇਤੀ ਕਾਨੂੰਨਾਂ ਖਿਲਾਫ ਕਿਸਾਨ ਅੰਦੋਲਨ ਵਿਚਾਲੇ ਝੋਨੇ ਦੀ ਖਰੀਦ ਬਾਰੇ ਵੱਡਾ ਖੁਲਾਸਾ ਹੋਇਆ ਹੈ। ਪੰਜਾਬ ਦੀਆਂ ਮੰਡੀਆਂ ਵਿੱਚ ਦੂਜੇ ਸੂਬਿਆਂ ਦਾ ਝੋਨਾ ਵਿਕਣ ਲਈ ਆ ਰਿਹਾ ਹੈ। ਇਸ ਬਾਰੇ ਸੂਹ ਲੱਗਣ ਮਗਰੋਂ ਕਿਸਾਨ ਜਥੇਬੰਦੀਆਂ ਹਰਕਤ ਵਿੱਚ ਆਈਆਂ ਹਨ। ਮਾਲਵੇ ਦੇ ਜ਼ਿਲ੍ਹੇ ਮੁਕਤਸਰ, ਸੰਗਰੂਰ, ਫਰੀਦਕੋਟ ਤੇ ਪਟਿਆਲਾ ਅੰਦਰ ਕਿਸਾਨਾਂ ਨੇ ਕਈ ਟਰੱਕ ਰੋਕੇ ਹਨ ਜਿਨ੍ਹਾਂ ਵਿੱਚ ਦੂਜੇ ਰਾਜਾਂ ਦਾ ਝੋਨਾ ਸੀ।
![ਕਿਸਾਨ ਅੰਦੋਲਨ ਵਿਚਾਲੇ ਝੋਨੇ ਦੀ ਖਰੀਦ ਬਾਰੇ ਵੱਡਾ ਖੁਲਾਸਾ agriculture act 2020, paddy procurement frome other states in punjab ਕਿਸਾਨ ਅੰਦੋਲਨ ਵਿਚਾਲੇ ਝੋਨੇ ਦੀ ਖਰੀਦ ਬਾਰੇ ਵੱਡਾ ਖੁਲਾਸਾ](https://static.abplive.com/wp-content/uploads/sites/5/2018/10/01095359/Paddy-procurement-in-grain-market-mandi-Jhona.jpg?impolicy=abp_cdn&imwidth=1200&height=675)
ਸੰਕੇਤਕ ਤਸਵੀਰ
ਚੰਡੀਗੜ੍ਹ: ਖੇਤੀ ਕਾਨੂੰਨਾਂ ਖਿਲਾਫ ਕਿਸਾਨ ਅੰਦੋਲਨ ਵਿਚਾਲੇ ਝੋਨੇ ਦੀ ਖਰੀਦ ਬਾਰੇ ਵੱਡਾ ਖੁਲਾਸਾ ਹੋਇਆ ਹੈ। ਪੰਜਾਬ ਦੀਆਂ ਮੰਡੀਆਂ ਵਿੱਚ ਦੂਜੇ ਸੂਬਿਆਂ ਦਾ ਝੋਨਾ ਵਿਕਣ ਲਈ ਆ ਰਿਹਾ ਹੈ। ਇਸ ਬਾਰੇ ਸੂਹ ਲੱਗਣ ਮਗਰੋਂ ਕਿਸਾਨ ਜਥੇਬੰਦੀਆਂ ਹਰਕਤ ਵਿੱਚ ਆਈਆਂ ਹਨ। ਮਾਲਵੇ ਦੇ ਜ਼ਿਲ੍ਹੇ ਮੁਕਤਸਰ, ਸੰਗਰੂਰ, ਫਰੀਦਕੋਟ ਤੇ ਪਟਿਆਲਾ ਅੰਦਰ ਕਿਸਾਨਾਂ ਨੇ ਕਈ ਟਰੱਕ ਰੋਕੇ ਹਨ ਜਿਨ੍ਹਾਂ ਵਿੱਚ ਦੂਜੇ ਰਾਜਾਂ ਦਾ ਝੋਨਾ ਸੀ।
ਦਰਅਸਲ ਉੱਤਰ ਪ੍ਰਦੇਸ਼ ਵਿੱਚ ਝੋਨੇ ਦਾ ਭਾਅ ਕਾਫੀ ਘੱਟ ਮਿਲ ਰਿਹਾ ਹੈ। ਇਸ ਲਈ ਸਥਾਨਕ ਵਪਾਰੀ ਤੇ ਚੌਲ ਮਿੱਲਾਂ ਵਾਲੇ ਤੁਰੰਤ ਪੈਸਾ ਕਮਾਉਣ ਲਈ ਦੂਜੇ ਰਾਜ ਤੋਂ ਫਸਲ ਖਰੀਦ ਰਹੇ ਹਨ। ਇਸ ਪ੍ਰਕਿਰਿਆ ਵਿੱਚ ਪੰਜਾਬ ਸਰਕਾਰ ਤੇ ਕਿਸਾਨਾਂ ਦਾ ਨੁਕਸਾਨ ਹੋ ਰਿਹਾ ਹੈ। ਕਿਸਾਨਾਂ ਦਾ ਕਹਿਣਾ ਹੈ ਕਿ ਅਧਿਕਾਰੀਆਂ ਨੇ ਇਸ ਨੂੰ ਰੋਕਣ ਲਈ ਕੁਝ ਨਹੀਂ ਕੀਤਾ ਹੈ। ਮੁਕਤਸਰ, ਫਰੀਦਕੋਟ ਤੇ ਪਟਿਆਲੇ ਦੇ ਕਿਸਾਨਾਂ ਨੇ ਪਿਛਲੇ ਦਿਨਾਂ ਵਿੱਚ ਯੂਪੀ ਤੋਂ ਝੋਨਾ ਲੈ ਕੇ ਜਾ ਰਹੇ 15 ਟਰੱਕਾਂ ਨੂੰ ਰੋਕਣ ਦਾ ਦਾਅਵਾ ਕੀਤਾ ਹੈ।
ਭਾਰਤੀ ਕਿਸਾਨ ਯੂਨੀਅਨ (ਸਿੱਧੂਪੁਰ) ਦੇ ਲੀਡਰ ਨਿਰਮਲ ਸਿੰਘ ਨੇ ਕਿਹਾ, “ਬਹੁਤ ਸਾਰੇ ਵਪਾਰੀ ਦੂਜੇ ਰਾਜਾਂ ਤੋਂ ਝੋਨਾ ਖਰੀਦ ਰਹੇ ਹਨ। ਹਾਲਾਂਕਿ, ਇਹ ਗੈਰ ਕਾਨੂੰਨੀ ਹੈ ਕਿਉਂਕਿ ਇਕੱਲੇ ਪੰਜਾਬ ਵਿੱਚ ਝੋਨੇ ਦੀ ਕਾਸ਼ਤ ਸਥਾਨਕ ਮੰਡੀਆਂ ਵਿੱਚ ਵੇਚੀ ਜਾ ਸਕਦੀ ਹੈ। ਨਾਲ ਹੀ, ਖਰੀਦਦਾਰ ਨੂੰ ਮਾਰਕੀਟ ਕਮੇਟੀ ਨੂੰ ਹਰ ਖਰੀਦ 'ਤੇ ਫੀਸ ਦੇਣੀ ਪੈਂਦੀ ਹੈ। ਇਹ ਸਪਸ਼ਟ ਤੌਰ 'ਤੇ ਟੈਕਸ ਚੋਰੀ ਦਾ ਮਾਮਲਾ ਹੈ।”
ਉਨ੍ਹਾਂ ਨੇ ਦੱਸਿਆ ਕਿ ਪੰਜਾਬ ਵਿੱਚ ਐਮਐਸਪੀ (1,888 ਰੁਪਏ/ ਕੁਇੰਟਲ) ਤੇ ਯੂਪੀ, ਬਿਹਾਰ ਤੇ ਰਾਜਸਥਾਨ ਵਰਗੇ ਰਾਜਾਂ ਵਿੱਚ ਬਹੁਤ ਵੱਡਾ ਅੰਤਰ ਹੈ। “ਇਨ੍ਹਾਂ ਰਾਜਾਂ ਦੇ ਕਿਸਾਨ ਆਪਣੀ ਫਸਲ ਪੰਜਾਬ ਦੇ ਵਪਾਰੀਆਂ ਨੂੰ 900-1000 ਰੁਪਏ ਪ੍ਰਤੀ ਕੁਇੰਟਲ ਤੇ ਵੇਚ ਰਹੇ ਹਨ। ਉਸ ਦਾ ਮੁੱਲ (150-160 ਰੁਪਏ/ਕੁਇੰਟਲ) ਅਦਾ ਕਰਨ ਤੋਂ ਬਾਅਦ, ਇਸ ਦਾ ਵਪਾਰੀਆਂ 'ਤੇ ਪ੍ਰਤੀ ਕੁਇੰਟਲ 1,150 ਰੁਪਏ ਖ਼ਰਚ ਆਉਂਦਾ ਹੈ। ਇਸ ਦਾ ਮਤਲਬ ਹੈ ਕਿ ਉਹ ਲਗਭਗ 700 ਰੁਪਏ/ਕੁਇੰਟਲ ਦਾ ਮੁਨਾਫਾ ਕਮਾਉਂਦੇ ਹਨ।”
ਨਿਰਮਲ ਸਿੰਘ ਨੇ ਜ਼ੋਰ ਦੇ ਕੇ ਕਿਹਾ ਕਿ ਇਸ ‘ਜਾਅਲੀ ਵਿਕਰੀ’ ਨੂੰ ਬੰਦ ਕਰਨਾ ਲਾਜ਼ਮੀ ਹੈ ਕਿਉਂਕਿ ਇਸ ਨਾਲ ਪੰਜਾਬ ਦੇ ਕਿਸਾਨਾਂ ਨੂੰ ਠੇਸ ਪਹੁੰਚ ਸਕਦੀ ਹੈ, ਜੋ ਪੂਰੀ ਫ਼ਸਲ ਵੇਚਣ ਤੋਂ ਅਸਮਰੱਥ ਹੋਣਗੇ। ਰਾਈਸ ਮਿੱਲ ਦੇ ਮਾਲਕ ਰਾਮ ਪਾਲ ਵੀ ਇਸ ਦੀ ਜਾਂਚ ਚਾਹੁੰਦੇ ਹਨ। ਉਨ੍ਹਾਂ ਦਾਅਵਾ ਕੀਤਾ ਕਿ ਦੂਜੇ ਸੂਬਿਆਂ ਦਾ ਝੋਨਾ ਘੱਟ ਨਮੀ ਵਾਲਾ ਹੁੰਦਾ ਹੈ।
Follow Breaking News on abp LIVE for more latest stories and trending topics. Watch breaking news and top headlines online on abp sanjha LIVE TV Khelo khul ke, sab bhool ke - only on Games Live
ਹੋਰ ਵੇਖੋ
Advertisement
Advertisement
Advertisement
ਟਾਪ ਹੈਡਲਾਈਨ
ਕਾਰੋਬਾਰ
ਕਾਰੋਬਾਰ
ਅਪਰਾਧ
ਦੇਸ਼
Advertisement
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)