Election Results: MP 'ਚ ਭਾਜਪਾ ਦੀ ਬੰਪਰ ਜਿੱਤ, ਛੱਤੀਸਗੜ੍ਹ-ਰਾਜਸਥਾਨ 'ਚ ਹਾਰੀ ਕਾਂਗਰਸ! ਤੇਲੰਗਾਨਾ 'ਚ ਪੰਜੇ ਦਾ ਕਮਾਲ
Election Results: ਚਾਰ ਸੂਬਿਆਂ ਦੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਵੋਟਾਂ ਦੀ ਗਿਣਤੀ ਤੋਂ ਬਾਅਦ ਭਾਜਪਾ ਸਮਰਥਕਾਂ ਦੇ ਚਿਹਰੇ ਖਿੜ ਗਏ ਹਨ। ਭਾਜਪਾ ਆਗੂਆਂ, ਵਰਕਰਾਂ ਤੇ ਸਮਰਥਕਾਂ ਵਿੱਚ ਜਸ਼ਨ ਦਾ ਮਾਹੌਲ ਹੈ।
Assembly Elections 2023 Results: ਚਾਰ ਸੂਬਿਆਂ ਰਾਜਸਥਾਨ, ਮੱਧ ਪ੍ਰਦੇਸ਼, ਛੱਤੀਸਗੜ੍ਹ ਅਤੇ ਤੇਲੰਗਾਨਾ ਵਿੱਚ ਵੋਟਾਂ ਦੀ ਗਿਣਤੀ ਜਾਰੀ ਹੈ। ਤੇਲੰਗਾਨਾ ਨੂੰ ਛੱਡ ਕੇ ਬਾਕੀ ਤਿੰਨ ਰਾਜਾਂ ਵਿੱਚ ਭਾਜਪਾ ਵੱਡੀ ਜਿੱਤ ਵੱਲ ਵਧ ਰਹੀ ਹੈ। ਰਾਜਸਥਾਨ ਅਤੇ ਛੱਤੀਸਗੜ੍ਹ 'ਚ ਇਹ ਚੋਣਾਂ ਕਾਂਗਰਸ ਲਈ ਕਿਸੇ ਝਟਕੇ ਤੋਂ ਘੱਟ ਨਹੀਂ ਹਨ ਪਰ ਤੇਲੰਗਾਨਾ 'ਚ ਉਹ ਭਾਰੀ ਬਹੁਮਤ ਨਾਲ ਸਰਕਾਰ ਬਣਾਉਂਦੀ ਨਜ਼ਰ ਆ ਰਹੀ ਹੈ।
ਜਿੱਥੋਂ ਤੱਕ ਨਤੀਜਿਆਂ ਦਾ ਸਬੰਧ ਹੈ, ਐਤਵਾਰ (3 ਦਸੰਬਰ) ਸ਼ਾਮ ਕਰੀਬ 6 ਵਜੇ ਮੱਧ ਪ੍ਰਦੇਸ਼ ਵਿੱਚ ਭਾਜਪਾ ਨੇ 82 ਸੀਟਾਂ ਜਿੱਤੀਆਂ ਹਨ ਅਤੇ 81 ਸੀਟਾਂ 'ਤੇ ਅੱਗੇ ਚੱਲ ਰਹੀ ਹੈ। ਸੂਬੇ 'ਚ ਬਹੁਮਤ ਦਾ ਅੰਕੜਾ 116 ਸੀਟਾਂ ਦਾ ਹੈ, ਇਸ ਲਈ ਭਾਜਪਾ ਇੱਥੇ ਭਾਰੀ ਬਹੁਮਤ ਨਾਲ ਸਰਕਾਰ ਬਣਾਉਂਦੀ ਨਜ਼ਰ ਆ ਰਹੀ ਹੈ। ਇਸ ਦੇ ਨਾਲ ਹੀ ਇਸ ਸਮੇਂ ਤੱਕ 20 ਸੀਟਾਂ 'ਤੇ ਕਾਂਗਰਸ ਦੀ ਜਿੱਤ ਪੱਕੀ ਹੋ ਗਈ ਹੈ ਅਤੇ ਉਹ 46 ਸੀਟਾਂ 'ਤੇ ਅੱਗੇ ਚੱਲ ਰਹੀ ਹੈ। ਭਾਰਤ ਆਦਿਵਾਸੀ ਪਾਰਟੀ ਨੇ ਇੱਕ ਸੀਟ ਜਿੱਤੀ ਹੈ।
ਮੱਧ ਪ੍ਰਦੇਸ਼ ਦੀ ਵੋਟ ਪ੍ਰਤੀਸ਼ਤਤਾ ਦੀ ਗੱਲ ਕਰੀਏ ਤਾਂ ਸ਼ਾਮ 5 ਵਜੇ ਦੇ ਕਰੀਬ ਵੋਟਾਂ ਦੀ ਗਿਣਤੀ ਵਿੱਚ ਭਾਜਪਾ ਨੂੰ 48.64 ਫੀਸਦੀ ਅਤੇ ਕਾਂਗਰਸ ਨੂੰ 40.46 ਫੀਸਦੀ ਵੋਟ ਸ਼ੇਅਰ ਮਿਲੇ ਹਨ। ਹੋਰਨਾਂ ਨੂੰ 5.49 ਫੀਸਦੀ ਵੋਟ ਸ਼ੇਅਰ ਮਿਲੇ ਹਨ।
ਛੱਤੀਸਗੜ੍ਹ ਦੇ ਨਤੀਜੇ
ਸ਼ਾਮ ਕਰੀਬ 6 ਵਜੇ ਛੱਤੀਸਗੜ੍ਹ 'ਚ ਭਾਜਪਾ ਨੇ 18 ਸੀਟਾਂ 'ਤੇ ਜਿੱਤ ਦਰਜ ਕੀਤੀ ਹੈ ਅਤੇ 36 ਸੀਟਾਂ 'ਤੇ ਅੱਗੇ ਚੱਲ ਰਹੀ ਹੈ। ਇਸ ਦੇ ਨਾਲ ਹੀ ਕਾਂਗਰਸ ਨੇ ਇੱਥੇ 10 ਸੀਟਾਂ ਜਿੱਤੀਆਂ ਹਨ ਅਤੇ 26 ਸੀਟਾਂ 'ਤੇ ਅੱਗੇ ਚੱਲ ਰਹੀ ਹੈ। ਵੋਟ ਸ਼ੇਅਰ ਦੀ ਗੱਲ ਕਰੀਏ ਤਾਂ ਹੁਣ ਤੱਕ ਭਾਜਪਾ ਨੂੰ 46.30 ਫੀਸਦੀ ਅਤੇ ਕਾਂਗਰਸ ਨੂੰ 42.14 ਫੀਸਦੀ ਵੋਟਾਂ ਮਿਲੀਆਂ ਹਨ।
ਇਹ ਵੀ ਪੜ੍ਹੋ: Vicky Kaushal: ਸਚਿਨ ਤੇਂਦੁਲਕਰ ਨੂੰ ਮਿਲੇ ਬਾਲੀਵੁੱਡ ਅਦਾਕਾਰ ਵਿੱਕੀ ਕੌਸ਼ਲ, ਮਾਸਟਰ ਬਲਾਸਟਰ ਨੇ 'ਸੈਮ ਬਹਾਦਰ' ਬਾਰੇ ਕਹੀ ਇਹ ਗੱਲ
ਰਾਜਸਥਾਨ ਵਿਧਾਨ ਸਭਾ ਚੋਣਾਂ ਦੇ ਨਤੀਜੇ
ਹੁਣ ਤੱਕ ਰਾਜਸਥਾਨ 'ਚ ਭਾਜਪਾ 103 ਸੀਟਾਂ 'ਤੇ ਜਿੱਤ ਦਰਜ ਕਰ ਚੁੱਕੀ ਹੈ ਅਤੇ 12 ਸੀਟਾਂ 'ਤੇ ਅੱਗੇ ਹੈ। ਇਸ ਦੇ ਨਾਲ ਹੀ ਕਾਂਗਰਸ ਨੇ ਇੱਥੇ 58 ਸੀਟਾਂ ਜਿੱਤੀਆਂ ਹਨ ਅਤੇ 11 ਸੀਟਾਂ 'ਤੇ ਅੱਗੇ ਚੱਲ ਰਹੀ ਹੈ। 3 ਸੀਟਾਂ ਭਾਰਤ ਆਦਿਵਾਸੀ ਪਾਰਟੀ ਨੂੰ, 2 ਸੀਟਾਂ ਬਸਪਾ ਅਤੇ 4 ਸੀਟਾਂ ਹੋਰਨਾਂ ਨੂੰ ਮਿਲੀਆਂ। ਆਰਐਲਡੀ ਅਤੇ ਆਰਐਲਟੀਪੀ ਇੱਕ-ਇੱਕ ਸੀਟ ਉੱਤੇ ਅੱਗੇ ਹਨ। ਉੱਥੇ ਹੀ ਰਾਜਸਥਾਨ 'ਚ ਸ਼ਾਮ 6.30 ਵਜੇ ਦੇ ਕਰੀਬ ਭਾਜਪਾ ਨੂੰ 41.71 ਫੀਸਦੀ, ਕਾਂਗਰਸ ਨੂੰ 39.53 ਫੀਸਦੀ ਅਤੇ ਹੋਰਨਾਂ ਨੂੰ 11.88 ਫੀਸਦੀ ਵੋਟਾਂ ਮਿਲੀਆਂ।
ਤੇਲੰਗਾਨਾ ਚੋਣਾਂ ਦੇ ਨਤੀਜੇ
ਸ਼ਾਮ ਕਰੀਬ 6.30 ਵਜੇ ਤੇਲੰਗਾਨਾ 'ਚ ਕਾਂਗਰਸ ਨੇ 46 ਸੀਟਾਂ 'ਤੇ ਜਿੱਤ ਦਰਜ ਕੀਤੀ ਹੈ ਅਤੇ 18 ਸੀਟਾਂ 'ਤੇ ਅੱਗੇ ਚੱਲ ਰਹੀ ਹੈ। ਬੀਆਰਐਸ ਨੇ 20 ਸੀਟਾਂ ਜਿੱਤੀਆਂ ਹਨ ਅਤੇ 19 ਸੀਟਾਂ 'ਤੇ ਅੱਗੇ ਹੈ। ਭਾਜਪਾ ਨੇ 6 ਸੀਟਾਂ ਜਿੱਤੀਆਂ ਹਨ ਅਤੇ 2 ਸੀਟਾਂ 'ਤੇ ਅੱਗੇ ਹੈ। AIMIM ਨੂੰ 2 ਸੀਟਾਂ ਦਾ ਨੁਕਸਾਨ ਹੋਇਆ ਹੈ ਅਤੇ ਪਾਰਟੀ 5 ਸੀਟਾਂ 'ਤੇ ਅੱਗੇ ਹੈ। ਜਦਕਿ ਸੀਪੀਆਈ ਨੇ ਇੱਕ ਸੀਟ ਜਿੱਤੀ ਹੈ। ਹੁਣ ਤੱਕ ਤੇਲੰਗਾਨਾ ਵਿੱਚ ਕਾਂਗਰਸ ਨੂੰ 39.42 ਫੀਸਦੀ, ਬੀਆਰਐਸ ਨੂੰ 37.37 ਫੀਸਦੀ, ਭਾਜਪਾ ਨੂੰ 13.93 ਫੀਸਦੀ ਅਤੇ ਏਆਈਐਮਆਈਐਮ ਨੂੰ 2.08 ਫੀਸਦੀ ਵੋਟਾਂ ਮਿਲੀਆਂ ਹਨ। ਇਸ ਦੇ ਨਾਲ ਹੀ 3.87 ਫੀਸਦੀ ਵੋਟਾਂ ਹੋਰਨਾਂ ਦੇ ਖਾਤੇ 'ਚ ਪਹੁੰਚ ਗਈਆਂ ਹਨ।
ਇਹ ਵੀ ਪੜ੍ਹੋ: T20 World Cup: ਰੋਹਿਤ ਤੋਂ ਲੈਕੇ ਜੈਸਵਾਲ ਤੱਕ, 2024 ਟੀ20 ਵਰਲਡ ਕੱਪ 'ਚ ਓਪਨਿੰਗ ਕਰਨ ਦੇ 5 ਦਾਅਵੇਦਾਰ, ਜਾਣੋ ਕਿਸ ਨੂੰ ਮਿਲੇਗਾ ਮੌਕਾ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
