Kajol: ਕਾਜੋਲ ਨੇ ਦੇਸ਼ ਦੀ ਸਿੱਖਿਆ ਪ੍ਰਣਾਲੀ ਨੂੰ ਲੈ ਕਹੀ ਇਹ ਗੱਲ, ਸਿਆਸੀ ਨੇਤਾਵਾਂ ਦੀ ਸਿੱਖਿਆ ਤੇ ਚੁੱਕਿਆ ਇਹ ਸਵਾਲ

Kajol Statement: ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਕਾਜੋਲ ਹਾਲ ਹੀ 'ਚ ਆਪਣੇ ਇਕ ਬਿਆਨ ਨੂੰ ਲੈ ਕੇ ਸੁਰਖੀਆਂ 'ਚ ਛਾਈ ਹੋਈ ਹੈ।

Kajol Statement on indian Education

ਦਰਅਸਲ, ਕਾਜੋਲ ਨੇ ਦੇਸ਼ ਦੀ ਸਿੱਖਿਆ ਪ੍ਰਣਾਲੀ ਨੂੰ ਲੈ ਕੇ ਇਕ ਇੰਟਰਵਿਊ 'ਚ ਸਿਆਸਤਦਾਨਾਂ 'ਤੇ ਟਿੱਪਣੀ ਕੀਤੀ ਸੀ। ਆਪਣੇ ਇੰਟਰਵਿਊ 'ਚ ਕਾਜੋਲ ਨੇ ਭਾਰਤੀ ਰਾਜਨੀਤੀ 'ਚ ਸਿੱਖਿਆ ਪ੍ਰਣਾਲੀ 'ਚ ਉੱਚ ਅਹੁਦਿਆਂ 'ਤੇ ਬਿਰਾਜਮਾਨ ਨੇਤਾਵਾਂ 'ਤੇ ਟਿੱਪਣੀ ਕੀਤੀ ਸੀ, ਜਿਸ ਕਾਰਨ ਅਦਾਕਾਰਾ ਨੂੰ ਸੋਸ਼ਲ ਮੀਡੀਆ 'ਤੇ ਕਾਫੀ ਟ੍ਰੋਲਿੰਗ ਦਾ ਸਾਹਮਣਾ ਕਰਨਾ ਪਿਆ ਸੀ।

ਕਾਜੋਲ ਨੇ 'ਦ ਕੁਇੰਟ' ਨੂੰ ਦਿੱਤੇ ਇੰਟਰਵਿਊ 'ਚ ਭਾਰਤੀ ਸਿਆਸਤਦਾਨਾਂ ਦੀ ਸਿੱਖਿਆ 'ਤੇ ਟਿੱਪਣੀ ਕੀਤੀ। ਟਰੋਲ ਹੋਣ ਤੋਂ ਬਾਅਦ ਹੁਣ ਕਾਜੋਲ ਨੇ ਟਵਿਟਰ 'ਤੇ ਟਵੀਟ ਕਰਕੇ ਆਪਣਾ ਸਪੱਸ਼ਟੀਕਰਨ ਦਿੱਤਾ ਹੈ।

ਕਾਜੋਲ ਨੇ ਲਿਖਿਆ ਕਿ ਮੈਂ ਸਿੱਖਿਆ ਅਤੇ ਇਸ ਦੇ ਮਹੱਤਵ ਨੂੰ ਲੈ ਕੇ ਆਪਣੀ ਗੱਲ ਰੱਖੀ ਸੀ। ਮੇਰਾ ਮਕਸਦ ਕਿਸੇ ਸਿਆਸੀ ਆਗੂ ਦਾ ਅਪਮਾਨ ਕਰਨਾ ਨਹੀਂ ਸੀ। ਇਸ ਦੇ ਨਾਲ ਹੀ ਅਦਾਕਾਰਾ ਨੇ ਅੱਗੇ ਲਿਖਿਆ, ਸਾਡੇ ਕੋਲ ਵੀ ਕੁਝ ਮਹਾਨ ਨੇਤਾ ਹਨ, ਜੋ ਦੇਸ਼ ਨੂੰ ਸਹੀ ਰਸਤੇ 'ਤੇ ਚਲਾ ਰਹੇ ਹਨ।

ਹਾਲ ਹੀ 'ਚ ਕਾਜੋਲ ਨੇ ਮਹਿਲਾ ਸਸ਼ਕਤੀਕਰਨ ਨੂੰ ਲੈ ਕੇ ਦ ਕੁਇੰਟ ਨੂੰ ਇੰਟਰਵਿਊ ਦਿੱਤਾ ਸੀ। ਮਹਿਲਾ ਸਸ਼ਕਤੀਕਰਨ ਦੇ ਮੁੱਦੇ 'ਤੇ ਗੱਲ ਕਰਦੇ ਹੋਏ ਅਦਾਕਾਰਾ ਨੇ ਕਿਹਾ ਕਿ ਭਾਰਤ 'ਚ ਜਿਸ ਤਰ੍ਹਾਂ ਨਾਲ ਬਦਲਾਅ ਆ ਰਿਹਾ ਹੈ, ਉਹ ਬਹੁਤ ਹੌਲੀ ਹੈ।

ਕਾਜੋਲ ਨੇ ਅਜਿਹਾ ਕਹਿਣ ਦਾ ਕਾਰਨ ਵੀ ਦੱਸਿਆ। ਕਾਜੋਲ ਨੇ ਕਿਹਾ ਕਿ ਇੱਥੋਂ ਦੇ ਲੋਕਾਂ ਵਿੱਚ ਸਹੀ ਸਿੱਖਿਆ ਦੀ ਘਾਟ ਹੈ।

ਸਿੱਖਿਆ ਪ੍ਰਣਾਲੀ ਰਾਹੀਂ ਰਾਜਨੇਤਾਵਾਂ 'ਤੇ ਨਿਸ਼ਾਨਾ ਸਾਧਦੇ ਹੋਏ ਕਾਜੋਲ ਨੇ ਕਿਹਾ ਕਿ ਸਾਡੇ ਕੋਲ ਅਜਿਹੇ ਸਿਆਸੀ ਨੇਤਾ ਹਨ ਜਿਨ੍ਹਾਂ ਕੋਲ ਖੁਦ ਸਿੱਖਿਆ ਬੈਕਗ੍ਰਾਊਂਡ ਦੀ ਘਾਟ ਹੈ। ਸਾਡੇ ਉੱਤੇ ਅਜਿਹੇ ਲੋਕਾਂ ਦਾ ਰਾਜ ਰਿਹਾ ਹੈ, ਜਿਨ੍ਹਾਂ ਕੋਲ ਸਿੱਖਿਆ ਬਾਰੇ ਕੋਈ ਵਿਊ ਪੁਆਇੰਟ ਨਹੀਂ ਸੀ, ਜੋ ਮੇਰੇ ਖਿਆਲ ਵਿੱਚ ਹੋਣਾ ਚਾਹੀਦਾ ਹੈ।

ਇਨ੍ਹੀਂ ਦਿਨੀਂ ਕਾਜੋਲ ਆਪਣੇ ਨਵੇਂ ਵੈੱਬ ਸ਼ੋਅ ਦ ਟ੍ਰਾਇਲ ਨੂੰ ਲੈ ਕੇ ਵੀ ਚਰਚਾ 'ਚ ਹੈ। ਆਪਣੀ ਇਸ ਨਵੀਂ ਵੈੱਬ ਸੀਰੀਜ਼ ਨਾਲ ਅਭਿਨੇਤਰੀ ਨੇ OTT ਦੀ ਦੁਨੀਆ 'ਚ ਵੀ ਐਂਟਰੀ ਕੀਤੀ ਹੈ। ਕਾਜੋਲ ਜਲਦੀ ਹੀ ਡਿਜ਼ਨੀ + ਹੌਟਸਟਾਰ ਸੀਰੀਜ਼ ਦ ਟ੍ਰਾਇਲ ਵਿੱਚ ਇੱਕ ਵਕੀਲ ਦੀ ਭੂਮਿਕਾ ਵਿੱਚ ਨਜ਼ਰ ਆਵੇਗੀ।