(Source: ECI/ABP News)
ਬਦਲਣ ਵਾਲੀ ਏਅਰ ਟ੍ਰੈਵਲ ਦੀ ਤਸਵੀਰ! 30 ਮਿੰਟ 'ਚ ਦਿੱਲੀ ਤੋਂ ਪਹੁੰਚ ਜਾਓਗੇ ਅਮਰੀਕਾ, ਐਲਨ ਮਸਕ ਦੇ ਇਸ ਪਲਾਨ ਨਾਲ ਮਚੀ ਤਰਥਲੀ
SpaceX New Project: ਸਪੇਸਐਕਸ ਦੇ ਸੀਈਓ ਐਲਨ ਮਸਕ ਨੇ ਹਾਲ ਹੀ ਵਿੱਚ ਇੱਕ ਵੱਡਾ ਦਾਅਵਾ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ ਹੁਣ ਦੁਨੀਆ ਦੇ ਵੱਡੇ ਸ਼ਹਿਰਾਂ ਵਿਚਾਲੇ ਯਾਤਰਾ ਬਹੁਤ ਹੀ ਘੱਟ ਸਮੇਂ 'ਚ ਸੰਭਵ ਹੋ ਸਕੇਗੀ।
SpaceX New Project: ਅਰਬਪਤੀ ਸਪੇਸਐਕਸ ਦੇ ਸੀਈਓ ਐਲਨ ਮਸਕ ਨੇ ਪੁਲਾੜ ਯਾਤਰਾ ਨੂੰ ਲੈ ਕੇ ਵੱਡਾ ਐਲਾਨ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ ਸਪੇਸਐਕਸ ਦਾ ਅਭਿਲਾਸ਼ੀ ਅਰਥ ਟੂ ਅਰਥ ਪੁਲਾੜ ਯਾਤਰਾ ਪ੍ਰੋਜੈਕਟ ਜਲਦੀ ਹੀ ਹਕੀਕਤ ਵਿੱਚ ਬਦਲ ਜਾਵੇਗੀ। ਐਲਨ ਮਸਕ ਅਮਰੀਕਾ ਦੇ ਨਵੇਂ ਚੁਣੇ ਗਏ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਪ੍ਰਸ਼ਾਸਨ 'ਚ ਅਹਿਮ ਭੂਮਿਕਾ ਨਿਭਾਉਣ ਜਾ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੀ ਕੰਪਨੀ ਸਪੇਸਐਕਸ ਦੇ ਸਟਾਰਸ਼ਿਪ ਰਾਕੇਟ ਰਾਹੀਂ ਧਰਤੀ ਦੇ ਵੱਡੇ ਸ਼ਹਿਰਾਂ ਵਿਚਾਲੇ ਇਕ ਘੰਟੇ ਤੋਂ ਵੀ ਘੱਟ ਸਮੇਂ 'ਚ ਸਫਰ ਕਰਨਾ ਸੰਭਵ ਹੋਵੇਗਾ। ਸਪੇਸਐਕਸ ਦਾ ਸਟਾਰਸ਼ਿਪ ਰਾਕੇਟ 10 ਸਾਲ ਪਹਿਲਾਂ ਪ੍ਰਸਤਾਵਿਤ ਕੀਤਾ ਗਿਆ ਸੀ। ਇਸ ਨੂੰ ਦੁਨੀਆ ਦਾ ਸਭ ਤੋਂ ਸ਼ਕਤੀਸ਼ਾਲੀ ਰਾਕੇਟ ਮੰਨਿਆ ਜਾਂਦਾ ਹੈ।
ਐਲਨ ਮਸਕ ਨੇ ਸੋਸ਼ਲ ਮੀਡੀਆ 'ਤੇ ਕੀਤਾ ਸੀ ਇਸ ਦਾ ਐਲਾਨ
ਸਪੇਸਐਕਸ ਦੇ ਸੀਈਓ ਐਲਨ ਮਸਕ ਨੇ ਇਹ ਦਾਅਵਾ 6 ਨਵੰਬਰ ਨੂੰ ਇੱਕ ਐਕਸ ਯੂਜ਼ਰਸ ਵਲੋਂ ਪੋਸਟ ਕੀਤੀ ਗਈ ਇੱਕ ਵੀਡੀਓ ਦਾ ਜਵਾਬ ਦਿੰਦਿਆਂ ਹੋਇਆਂ ਕੀਤਾ ਸੀ। ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਇਹ ਕਹਿ ਕੇ ਜਵਾਬ ਦਿੱਤਾ ਕਿ ਸਪੇਸਐਕਸ ਨੂੰ ਟਰੰਪ ਪ੍ਰਸ਼ਾਸਨ ਦੇ ਦੌਰਾਨ ਆਪਣੀ ਸਟਾਰਸ਼ਿਪ ਅਰਥ-ਟੂ-ਅਰਥ ਉਡਾਣ ਲਈ ਸੰਘੀ ਹਵਾਬਾਜ਼ੀ ਪ੍ਰਸ਼ਾਸਨ ਤੋਂ ਮਨਜ਼ੂਰੀ ਮਿਲ ਸਕਦੀ ਹੈ।
1000 ਯਾਤਰੀ ਕਰ ਸਕਣਗੇ ਸਫਰ
ਇਸ ਵੀਡੀਓ 'ਚ ਦੱਸਿਆ ਗਿਆ ਹੈ ਕਿ ਹੁਣ ਲੰਬੀ ਦੂਰੀ ਦੀ ਯਾਤਰਾ ਕਰਨ 'ਚ 30 ਮਿੰਟ ਤੋਂ ਵੀ ਘੱਟ ਸਮਾਂ ਲੱਗੇਗਾ। ਤੁਸੀਂ ਇੱਕ ਘੰਟੇ ਤੋਂ ਵੀ ਘੱਟ ਸਮੇਂ ਵਿੱਚ ਦੁਨੀਆ ਦੇ ਕਿਸੇ ਵੀ ਸ਼ਹਿਰ ਵਿੱਚ ਪਹੁੰਚ ਸਕਦੇ ਹੋ। ਇਸ ਵੀਡੀਓ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਐਲਨ ਮਸਕ ਨੇ ਕਿਹਾ, "ਇਹ ਹੋ ਸਕਦਾ ਹੈ। ਸਪੇਸਐਕਸ ਨੇ ਇਕ ਅਜਿਹੀ ਤਕਨੀਕ ਬਣਾਈ ਹੈ, ਜਿਸ 'ਚ ਸਟਾਰਸ਼ਿਪ, ਆਰਬਿਟ 'ਚ ਲਾਂਚ ਹੋਣ ਤੋਂ ਬਾਅਦ, ਪੁਲਾੜ 'ਚ ਡੂੰਘਾਈ 'ਚ ਜਾਣ ਦੀ ਬਜਾਏ ਧਰਤੀ ਦੇ ਸਮਾਨਾਂਤਰ ਯਾਤਰਾ ਕਰ ਸਕਦਾ ਹੈ। ਇਸ ਨਾਲ ਦੁਨੀਆ ਭਰ ਦੇ ਲੋਕਾਂ ਨੂੰ ਮਦਦ ਮਿਲੇਗੀ। ""ਦੇਸ਼ਾਂ ਵਿਚਕਾਰ ਤੇਜ਼ ਆਵਾਜਾਈ ਸੰਭਵ ਹੋਵੇਗੀ।" ਸਟੇਨਲੈੱਸ ਸਟੀਲ ਦੀ ਬਣੀ 395 ਫੁੱਟ ਦੀ ਸਟਾਰਸ਼ਿਪ 1000 ਲੋਕਾਂ ਨਾਲ ਇੱਕੋ ਸਮੇਂ ਵਿੱਚ ਸਫ਼ਰ ਕਰ ਸਕਦੀ ਹੈ।
ਡੇਲੀ ਮੇਲ ਦੀ ਰਿਪੋਰਟ ਦੇ ਅਨੁਸਾਰ, ਸਪੇਸਐਕਸ ਨੇ ਕਿਹਾ ਹੈ ਕਿ ਲਾਸ ਏਂਜਲਸ ਅਤੇ ਟੋਰਾਂਟੋ ਵਿਚਕਾਰ ਯਾਤਰਾ ਦਾ ਸਮਾਂ 24 ਮਿੰਟ, ਲੰਡਨ ਅਤੇ ਨਿਊਯਾਰਕ ਵਿਚਕਾਰ 29 ਮਿੰਟ, ਜਦੋਂ ਕਿ ਦਿੱਲੀ ਅਤੇ ਸਾਨ ਫਰਾਂਸਿਸਕੋ ਵਿਚਕਾਰ 30 ਮਿੰਟ ਤੋਂ ਵੀ ਘੱਟ ਹੋ ਸਕਦਾ ਹੈ। ਇਸ ਯਾਤਰਾ 'ਚ ਯਾਤਰੀਆਂ ਨੂੰ ਟੇਕਆਫ ਅਤੇ ਲੈਂਡਿੰਗ ਦੌਰਾਨ ਗੁਰੂਤਾ ਸ਼ਕਤੀ ਦਾ ਵੀ ਅਨੁਭਵ ਹੋਵੇਗਾ। ਇਸ ਦੌਰਾਨ ਯਾਤਰੀਆਂ ਨੂੰ ਸੀਟ ਬੈਲਟ ਲਗਾਉਣੀ ਹੋਵੇਗੀ। ਕਰੀਬ 10 ਸਾਲ ਪਹਿਲਾਂ ਸਪੇਸਐਕਸ ਨੇ ਇਹ ਯੋਜਨਾ ਦੁਨੀਆ ਦੇ ਸਾਹਮਣੇ ਪੇਸ਼ ਕੀਤੀ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
