Body Shaking During Anger: ਇਕਦਮ ਗੁੱਸੇ ਆਉਣ ਉੱਤੇ ਕਿਉਂ ਕੰਬਣ ਲੱਗਣ ਜਾਂਦੇ ਹਨ ਹੱਥ-ਪੈਰ? ਜਾਣੋ ਵਜ੍ਹਾ
ਗੁੱਸੇ ਦੇ ਦੌਰਾਨ, ਸਰੀਰ ਵਿੱਚ ਹਾਰਮੋਨਲ ਬਦਲਾਅ ਹੁੰਦੇ ਹਨ, ਜਿਸ ਨਾਲ ਮਾਸਪੇਸ਼ੀਆਂ ਦੀ ਕੰਪਨ ਹੁੰਦੀ ਹੈ। ਇਸ ਦੇ ਹੋਰ ਵੀ ਕਈ ਕਾਰਨ ਹੋ ਸਕਦੇ ਹਨ, ਜਿਸ ਨੂੰ ਸਮਝਣ ਨਾਲ ਹੱਥਾਂ, ਲੱਤਾਂ ਜਾਂ ਸਰੀਰ ਵਿੱਚ ਵਾਈਬ੍ਰੇਸ਼ਨ ਨੂੰ ਕੰਟਰੋਲ ਕੀਤਾ ਜਾ ਸਕਦਾ ਹੈ।
Body Shaking During Anger Causes : ਜਦੋਂ ਵੀ ਅਸੀਂ ਕਿਸੇ ਨਾਲ ਲੜਦੇ ਹਾਂ ਜਾਂ ਸਾਨੂੰ ਬਹੁਤ ਗੁਸਾ ਆਉਂਦਾ ਹੈ ਤਾਂ ਸਾਡੇ ਹੱਥ-ਪੈਰ ਕੰਬਣ ਲੱਗਦੇ ਹਨ, ਕੀ ਤੁਹਾਡੇ ਨਾਲ ਵੀ ਅਜਿਹਾ ਹੁੰਦਾ ਹੈ? ਅਸਲ ਵਿੱਚ ਕਿਸੇ ਗੱਲ ਉੱਤੇ ਗੁੱਸਾ ਆਉਣਾ ਜਾਂ ਕ੍ਰੋਧਿਤ ਹੋਣਾ ਇੱਕ ਕੁਦਰਤੀ ਪ੍ਰਕਿਰਿਆ ਹੈ। ਬਹੁਤ ਸਾਰੇ ਲੋਕ ਜਦੋਂ ਗੁੱਸੇ ਵਿੱਚ ਆਪਣੇ ਆਪ ਉੱਤੇ ਕਾਬੂ ਨਹੀਂ ਕਰ ਪਾਉਂਦੇ ਤਾਂ ਉਨ੍ਹਾਂ ਦਾ ਸਰੀਰ ਕੰਬਣ ਲੱਗਦਾ ਹੈ , ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਅਜਿਹਾ ਕਿਉਂ ਹੁੰਦਾ ਹੈ...
ਗੁੱਸੇ 'ਚ ਕਿਉਂ ਕੰਬਣ ਲੱਗਦੇ ਹਨ ਹੱਥ-ਪੈਰ?
1. ਐਡਰੇਨਾਲੀਨ ਹਾਰਮੋਨ ਰੀਲੀਜ਼ ਹੋਣਾ
ਜਦੋਂ ਗੁੱਸਾ ਆਉਂਦਾ ਹੈ, ਤਾਂ ਸਰੀਰ ਲੜਾਈ ਜਾਂ ਪ੍ਰਤੀਕ੍ਰਿਆ ਵਜੋਂ ਐਡਰੇਨਾਲੀਨ ਹਾਰਮੋਨ (Adrenaline Hormone) ਰੀਲੀਜ਼ ਕਰਦਾ ਹੈ। ਇਹ ਹਾਰਮੋਨ ਸਰੀਰ ਨੂੰ ਉਸ ਸਥਿਤੀ ਨਾਲ ਨਜਿੱਠਣ ਲਈ ਤਿਆਰ ਕਰਦੇ ਹਨ। ਜਦੋਂ ਐਡਰੇਨਾਲੀਨ ਜ਼ਿਆਦਾ ਹੁੰਦਾ ਹੈ, ਤਾਂ ਸਰੀਰ ਕੰਬਣ ਲੱਗਦਾ ਹੈ ਅਤੇ ਹੱਥਾਂ ਵਿਚ ਝਟਕੇ ਲੱਗਦੇ ਹਨ। ਇਹ ਇੱਕ ਪ੍ਰਤੀਕ੍ਰਿਆ ਹੈ ਜੋ ਗੁੱਸੇ ਜਾਂ ਤਣਾਅ ਵਿੱਚ ਸਰੀਰ ਵਿੱਚੋਂ ਨਿਕਲਦੀ ਹੈ। ਇਸ ਕਾਰਨ ਹੱਥ-ਪੈਰ ਕੰਬਣ ਲੱਗਦੇ ਹਨ।
2. ਮਾਸਪੇਸ਼ੀ ਤਣਾਅ
ਗੁੱਸੇ ਦੌਰਾਨ ਮਾਸਪੇਸ਼ੀਆਂ ਵਿੱਚ ਤਣਾਅ ਆ ਜਾਂਦਾ ਹੈ। ਜਿਸ ਕਾਰਨ ਹੱਥ, ਲੱਤਾਂ ਅਤੇ ਸਰੀਰ ਕੰਬਣ ਲੱਗਦੇ ਹਨ। ਅਜਿਹਾ ਅਕਸਰ ਉਦੋਂ ਹੁੰਦਾ ਹੈ ਜਦੋਂ ਗੁੱਸੇ ਵਾਲਾ ਵਿਅਕਤੀ ਆਪਣਾ ਕੰਟਰੋਲ ਗੁਆ ਲੈਂਦਾ ਹੈ। ਅਜਿਹੀ ਸਥਿਤੀ ਵਿੱਚ ਕਈ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ।
3. ਦਿਲ ਦੀ ਧੜਕਨ ਵਿੱਚ ਵਾਧਾ
ਜਦੋਂ ਕਿਸੇ ਨੂੰ ਗੁੱਸਾ ਆਉਂਦਾ ਹੈ ਤਾਂ ਦਿਲ ਦੀ ਧੜਕਣ ਵੀ ਵਧ ਜਾਂਦੀ ਹੈ, ਜਿਸ ਨਾਲ ਖੂਨ ਦਾ ਸੰਚਾਰ ਵਧਦਾ ਹੈ। ਇਸ ਕਾਰਨ ਹੱਥਾਂ ਅਤੇ ਸਰੀਰ ਵਿੱਚ ਵਾਈਬ੍ਰੇਸ਼ਨ ਸ਼ੁਰੂ ਹੋ ਜਾਂਦੀ ਹੈ। ਦਿਲ ਦੀ ਧੜਕਣ ਵਧਣ ਨਾਲ ਸਰੀਰ ਵਿਚ ਉਤੇਜਨਾ ਵਧ ਜਾਂਦੀ ਹੈ, ਜਿਸ ਨਾਲ ਕੰਟਰੋਲ ਗੁਆਉਣ ਦਾ ਅਹਿਸਾਸ ਵੀ ਪੈਦਾ ਹੋ ਸਕਦਾ ਹੈ।
4. ਤਣਾਅ ਜਾਂ ਚਿੰਤਾ
ਗੁੱਸਾ ਅਕਸਰ ਤਣਾਅ ਅਤੇ ਚਿੰਤਾ ਨਾਲ ਜੁੜਿਆ ਹੁੰਦਾ ਹੈ। ਜਦੋਂ ਕੋਈ ਵਿਅਕਤੀ ਲੰਬੇ ਸਮੇਂ ਤੱਕ ਤਣਾਅ ਵਿੱਚ ਰਹਿੰਦਾ ਹੈ, ਤਾਂ ਉਸ ਵਿੱਚ ਗੁੱਸਾ ਜਾਂ ਚਿੜਚਿੜਾਪਨ ਆ ਜਾਂਦਾ ਹੈ। ਅਜਿਹੀ ਹਾਲਤ 'ਚ ਸਰੀਰ ਜਾਂ ਹੱਥ-ਪੈਰ ਕੰਬਣ ਲੱਗਦੇ ਹਨ। ਅਜਿਹਾ ਮਾਨਸਿਕ ਅਤੇ ਸਰੀਰਕ ਥਕਾਵਟ ਕਾਰਨ ਵੀ ਹੋ ਸਕਦਾ ਹੈ।
ਗੁੱਸੇ 'ਚ ਹੱਥਾਂ-ਪੈਰਾਂ ਦੇ ਕੰਬਣ 'ਤੇ ਕਿਵੇਂ ਕਾਬੂ ਪਾਇਆ ਜਾਵੇ
1. ਗੁੱਸਾ ਆਉਣ 'ਤੇ ਡੂੰਘਾ ਸਾਹ ਲਓ। ਇਸ ਨਾਲ ਸਰੀਰ 'ਚ ਆਕਸੀਜਨ ਦਾ ਪੱਧਰ ਵਧੇਗਾ ਅਤੇ ਕੰਬਣੀ ਦੂਰ ਹੋਵੇਗੀ।
2. ਹਰ ਰੋਜ਼ ਮੈਡੀਟੇਸ਼ਨ ਕਰੋ। ਇਸ ਨਾਲ ਮਾਨਸਿਕ ਸ਼ਾਂਤੀ ਮਿਲੇਗੀ।
3. ਰੋਜ਼ਾਨਾ ਕਸਰਤ ਕਰਨ ਨਾਲ ਇਸ ਤਰ੍ਹਾਂ ਦੀ ਸਮੱਸਿਆ ਨਹੀਂ ਹੋਵੇਗੀ।
4. ਜੇਕਰ ਗੁੱਸੇ 'ਚ ਤੁਹਾਡੇ ਹੱਥ-ਪੈਰ ਕੰਬਦੇ ਹਨ ਤਾਂ ਕੁਝ ਦੇਰ ਰੁਕ ਕੇ ਪਾਣੀ ਪੀਣਾ ਵੀ ਫਾਇਦੇਮੰਦ ਹੋ ਸਕਦਾ ਹੈ।
5. ਗੁੱਸੇ ਵਿੱਚ ਸਰੀਰ ਅਤੇ ਹੱਥਾਂ ਦਾ ਕੰਬਣਾ ਇੱਕ ਆਮ ਪ੍ਰਤੀਕ੍ਰਿਆ ਹੈ ਪਰ ਟ੍ਰਿਗਰ ਪੁਆਇੰਟ ਨੂੰ ਜਾਣ ਕੇ, ਤੁਸੀਂ ਇਹਨਾਂ ਉਪਾਵਾਂ ਨਾਲ ਇਸਨੂੰ ਕਾਬੂ ਕਰ ਸਕਦੇ ਹੋ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
