Jammu Kashmir 2nd Phase Voting: 26 ਸੀਟਾਂ, 239 ਉਮੀਦਵਾਰ, ਦੂਜੇ ਪੜਾਅ ਲਈ ਵੋਟਾਂ ਅੱਜ, ਇੱਥੇ ਸਮਝੋ ਪੂਰਾ ਨੰਬਰ ਗੇਮ
ਜੰਮੂ-ਕਸ਼ਮੀਰ 'ਚ ਵਿਧਾਨ ਸਭਾ ਚੋਣਾਂ ਤਿੰਨ ਪੜਾਵਾਂ 'ਚ ਹੋ ਰਹੀਆਂ ਹਨ। ਪਹਿਲੇ ਪੜਾਅ 'ਚ 18 ਸਤੰਬਰ ਨੂੰ 24 ਵਿਧਾਨ ਸਭਾ ਸੀਟਾਂ 'ਤੇ ਵੋਟਿੰਗ ਹੋਈ ਸੀ। ਦੂਜੇ ਪੜਾਅ 'ਚ 26 ਸੀਟਾਂ 'ਤੇ ਵੋਟਿੰਗ ਹੋ ਰਹੀ ਹੈ। ਆਖਰੀ ਪੜਾਅ 'ਚ 40 ਸੀਟਾਂ 'ਤੇ 1 ਅਕਤੂਬਰ ਨੂੰ ਵੋਟਿੰਗ ਹੋਵੇਗੀ।
ਜੰਮੂ-ਕਸ਼ਮੀਰ 'ਚ ਬੁੱਧਵਾਰ ਨੂੰ ਵਿਧਾਨ ਸਭਾ ਚੋਣਾਂ ਲਈ ਦੂਜੇ ਪੜਾਅ ਦੀ ਵੋਟਿੰਗ ਹੋਵੇਗੀ। ਇਸ ਪੜਾਅ 'ਚ 26 ਸੀਟਾਂ 'ਤੇ ਵੋਟਿੰਗ ਹੋਣੀ ਹੈ, ਇਨ੍ਹਾਂ 'ਤੇ 239 ਉਮੀਦਵਾਰ ਆਪਣੀ ਕਿਸਮਤ ਅਜ਼ਮਾ ਰਹੇ ਹਨ। ਦੂਜੇ ਪੜਾਅ 'ਚ ਮੱਧ ਕਸ਼ਮੀਰ ਦੇ ਤਿੰਨ ਜ਼ਿਲ੍ਹਿਆਂ- ਸ਼੍ਰੀਨਗਰ, ਗੰਦਰਬਲ ਅਤੇ ਬਡਗਾਮ ਵੀ ਸ਼ਾਮਲ ਹੋਣਗੇ, ਇਸ ਦੇ ਨਾਲ ਹੀ ਜੰਮੂ ਦੇ ਰਿਆਸੀ ਦੇ ਨਾਲ-ਨਾਲ ਰਾਜੌਰੀ ਅਤੇ ਪੁੰਛ ਦੇ ਸਰਹੱਦੀ ਜ਼ਿਲ੍ਹਿਆਂ 'ਚ ਵੀ ਵੋਟਿੰਗ ਹੋਵੇਗੀ। ਇਨ੍ਹਾਂ ਇਲਾਕਿਆਂ 'ਚ ਪਿਛਲੇ ਤਿੰਨ ਸਾਲਾਂ 'ਚ ਕਈ ਅੱਤਵਾਦੀ ਹਮਲੇ ਹੋਏ ਹਨ।
5 ਸਾਬਕਾ ਮੰਤਰੀ, 10 ਸਾਬਕਾ ਵਿਧਾਇਕ ਵੀ ਮੈਦਾਨ ਵਿੱਚ ਹਨ
ਇਸ ਗੇੜ ਵਿੱਚ 26 ਵਿਧਾਨ ਸਭਾ ਹਲਕਿਆਂ ਦੇ 239 ਉਮੀਦਵਾਰਾਂ ਦੀ ਕਿਸਮਤ ਦਾ ਫੈਸਲਾ ਹੋਵੇਗਾ। ਭਾਜਪਾ ਦੀ ਜੰਮੂ-ਕਸ਼ਮੀਰ ਇਕਾਈ ਦੇ ਮੁਖੀ ਰਵਿੰਦਰ ਰੈਨਾ ਰਾਜੌਰੀ ਜ਼ਿਲ੍ਹੇ ਦੀ ਨੌਸ਼ੇਰਾ ਸੀਟ ਤੋਂ ਮੁੜ ਚੋਣ ਲੜ ਰਹੇ ਹਨ। ਇਸ ਤੋਂ ਇਲਾਵਾ ਦੂਜੇ ਪੜਾਅ 'ਚ 5 ਸਾਬਕਾ ਮੰਤਰੀ ਅਤੇ 10 ਸਾਬਕਾ ਵਿਧਾਇਕ ਵੀ ਚੋਣ ਮੈਦਾਨ 'ਚ ਹਨ।
ਸੁਰੱਖਿਆ ਦੇ ਸਖ਼ਤ ਪ੍ਰਬੰਧ
ਜੰਮੂ-ਕਸ਼ਮੀਰ ਦੇ 26 ਵਿਧਾਨ ਸਭਾ ਹਲਕਿਆਂ ਵਿੱਚ 3500 ਪੋਲਿੰਗ ਸਟੇਸ਼ਨ ਬਣਾਏ ਗਏ ਹਨ। ਇਨ੍ਹਾਂ 'ਤੇ 13,000 ਤੋਂ ਵੱਧ ਪੋਲਿੰਗ ਸਟਾਫ਼ ਤਾਇਨਾਤ ਕੀਤਾ ਗਿਆ ਹੈ। ਕਿਸੇ ਵੀ ਅਣਸੁਖਾਵੀਂ ਘਟਨਾ ਤੋਂ ਬਚਣ ਲਈ ਵੱਡੀ ਗਿਣਤੀ ਵਿੱਚ ਪੁਲਿਸ, ਹਥਿਆਰਬੰਦ ਪੁਲਿਸ ਬਲ ਅਤੇ ਕੇਂਦਰੀ ਹਥਿਆਰਬੰਦ ਅਰਧ ਸੈਨਿਕ ਬਲਾਂ ਦੇ ਜਵਾਨ ਤਾਇਨਾਤ ਕੀਤੇ ਗਏ ਹਨ। ਅਧਿਕਾਰੀਆਂ ਨੇ ਦੱਸਿਆ ਕਿ ਹਰੇਕ ਪੋਲਿੰਗ ਸਟੇਸ਼ਨ ਦੇ ਆਲੇ-ਦੁਆਲੇ ਇੱਕ ਬਹੁ-ਪੱਧਰੀ ਸੁਰੱਖਿਆ ਘੇਰਾ ਬਣਾਇਆ ਗਿਆ ਹੈ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਦੂਜੇ ਗੇੜ ਦੀ ਵੋਟਿੰਗ ਡਰ-ਮੁਕਤ ਮਾਹੌਲ ਵਿੱਚ ਹੋਵੇ।
ਬੁੱਧਵਾਰ ਨੂੰ ਵੋਟਿੰਗ ਖਤਮ ਹੋਣ ਤੋਂ ਬਾਅਦ 'ਸਟਰਾਂਗ ਰੂਮਾਂ' 'ਚ ਸੁਰੱਖਿਆ ਦੇ ਸਖਤ ਇੰਤਜ਼ਾਮ ਕੀਤੇ ਗਏ ਹਨ, ਜਿੱਥੇ ਇਲੈਕਟ੍ਰਾਨਿਕ ਵੋਟਿੰਗ ਮਸ਼ੀਨਾਂ (EVM) ਰੱਖੀਆਂ ਜਾਣਗੀਆਂ ਅਤੇ ਜੋ ਕਿ 24 ਘੰਟੇ ਡਿਜੀਟਲ ਨਿਗਰਾਨੀ 'ਚ ਰਹਿਣਗੀਆਂ।
ਨਤੀਜੇ 8 ਅਕਤੂਬਰ ਨੂੰ
ਜੰਮੂ-ਕਸ਼ਮੀਰ 'ਚ ਵਿਧਾਨ ਸਭਾ ਚੋਣਾਂ ਤਿੰਨ ਪੜਾਵਾਂ 'ਚ ਹੋ ਰਹੀਆਂ ਹਨ। ਪਹਿਲੇ ਪੜਾਅ 'ਚ 18 ਸਤੰਬਰ ਨੂੰ 24 ਵਿਧਾਨ ਸਭਾ ਹਲਕਿਆਂ 'ਚ ਵੋਟਿੰਗ ਹੋਈ ਸੀ। ਦੂਜੇ ਪੜਾਅ 'ਚ ਬੁੱਧਵਾਰ ਨੂੰ ਅੱਜ 26 ਸੀਟਾਂ 'ਤੇ ਵੋਟਿੰਗ ਹੋਵੇਗੀ, ਜਦਕਿ ਤੀਜੇ ਪੜਾਅ 'ਚ 40 ਸੀਟਾਂ 'ਤੇ 1 ਅਕਤੂਬਰ ਨੂੰ ਵੋਟਿੰਗ ਹੋਵੇਗੀ। ਵੋਟਾਂ ਦੀ ਗਿਣਤੀ 8 ਅਕਤੂਬਰ ਨੂੰ ਹੋਵੇਗੀ।
ਜੰਮੂ ਕਸ਼ਮੀਰ ਵਿਧਾਨ ਸਭਾ ਚੋਣਾਂ: ਦੂਜੇ ਪੜਾਅ ਦੇ 10 ਦੇ ਫੈਕਟ
6 ਜ਼ਿਲ੍ਹਿਆਂ ਦੀਆਂ 26 ਸੀਟਾਂ 'ਤੇ ਵੋਟਿੰਗ, 239 ਉਮੀਦਵਾਰ, 25.78 ਲੱਖ ਵੋਟਰ।
- ਕੁੱਲ 26 ਸੀਟਾਂ 'ਚੋਂ ਜੰਮੂ 'ਚ 11 ਅਤੇ ਕਸ਼ਮੀਰ 'ਚ 15 ਸੀਟਾਂ ਹਨ।
ਕਿਸ ਜ਼ਿਲ੍ਹੇ 'ਚ ਕਿੰਨੀਆਂ ਸੀਟਾਂ 'ਤੇ ਵੋਟਿੰਗ ਹੋਵੇਗੀ
1. ਗੰਦਰਬਲ (ਕਸ਼ਮੀਰ ਖੇਤਰ) - 2 ਸੀਟਾਂ - 21 ਉਮੀਦਵਾਰ
2. ਸ਼੍ਰੀਨਗਰ (ਕਸ਼ਮੀਰ ਖੇਤਰ) – 8 ਸੀਟਾਂ – 93 ਉਮੀਦਵਾਰ
3. ਬਡਗਾਮ (ਕਸ਼ਮੀਰ ਖੇਤਰ) - 5 ਸੀਟਾਂ - 46 ਉਮੀਦਵਾਰ
4. ਰਿਆਸੀ (ਜੰਮੂ ਖੇਤਰ) - 3 ਸੀਟਾਂ - 20 ਉਮੀਦਵਾਰ
5. ਰਾਜੌਰੀ (ਜੰਮੂ ਖੇਤਰ) - 5 ਸੀਟਾਂ - 34 ਉਮੀਦਵਾਰ
6. ਪੁੰਛ (ਜੰਮੂ ਖੇਤਰ) - 3 ਸੀਟਾਂ - 25 ਉਮੀਦਵਾਰ
ਜੰਮੂ-ਕਸ਼ਮੀਰ ਦੀਆਂ ਚੋਣਾਂ ਦੇ ਦੂਜੇ ਪੜਾਅ ਨਾਲ ਸਬੰਧਤ ਹੋਰ ਫੈਕਟ
- ਉਮੀਦਵਾਰਾਂ ਦੀ ਗਿਣਤੀ - 239
- ਪੁਰਸ਼ ਉਮੀਦਵਾਰ - 233 (ਕੁੱਲ ਦਾ 97.5%)
- ਮਹਿਲਾ ਉਮੀਦਵਾਰ - 6 (ਕੁੱਲ ਦਾ 2.5%)
ਕਿਸ ਪਾਰਟੀ ਦੇ ਕਿੰਨੇ ਉਮੀਦਵਾਰ?
- ਸੁਤੰਤਰ - 99
- ਜੰਮੂ ਅਤੇ ਕਸ਼ਮੀਰ ਪੀਪਲਜ਼ ਡੈਮੋਕਰੇਟਿਕ ਪਾਰਟੀ - 26
- ਜੰਮੂ ਅਤੇ ਕਸ਼ਮੀਰ ਨੈਸ਼ਨਲ ਕਾਨਫਰੰਸ - 20
- ਭਾਜਪਾ - 17
- ਜੰਮੂ ਅਤੇ ਕਸ਼ਮੀਰ ਅਪਨੀ ਪਾਰਟੀ - 16
- ਕਾਂਗਰਸ - 6
- ਸਪਾ - 5
- NCP - 4
ਇਹ ਵੀ ਪੜ੍ਹੋ: Heart Faliure: ਹਾਰਟ ਫੇਲ ਹੋਣ ਤੋਂ ਪਹਿਲਾਂ ਨਜ਼ਰ ਆਉਂਦੇ ਆਹ 5 ਲੱਛਣ, ਜਾਣੋ ਕਦੋਂ ਹੋਣਾ ਚਾਹੀਦਾ ਅਲਰਟ
ਕਿੰਨੇ ਉਮੀਦਵਾਰਾਂ ਖਿਲਾਫ ਅਪਰਾਧਿਕ ਮਾਮਲੇ ਦਰਜ ਹਨ?
ਅਪਰਾਧਿਕ ਕੇਸਾਂ ਵਾਲੇ ਉਮੀਦਵਾਰ - 49 (21%)
- ਗੰਭੀਰ ਅਪਰਾਧਿਕ ਮਾਮਲਿਆਂ ਵਾਲੇ ਉਮੀਦਵਾਰ: 37 (16%)
- ਔਰਤਾਂ ਵਿਰੁੱਧ ਅਪਰਾਧ: 7 ਉਮੀਦਵਾਰ
131 ਕਰੋੜਪਤੀ ਉਮੀਦਵਾਰ ਮੈਦਾਨ ਵਿੱਚ ਹਨ
- ਕੁੱਲ ਕਰੋੜਪਤੀ ਉਮੀਦਵਾਰ - 131 (55%)
- JKPDP - 19 (73%)
- JKNC - 18 (90%)
- ਭਾਜਪਾ - 13 (76%)
- ਕਾਂਗਰਸ - 6 (100%)
ਤਿੰਨ ਸਭ ਤੋਂ ਅਮੀਰ ਉਮੀਦਵਾਰ
- ਸਈਅਦ ਮੁਹੰਮਦ ਅਲਤਾਫ ਬੁਖਾਰੀ (ਜੇ.ਕੇ.ਏ.ਪੀ.) - ਚੰਨਪੋਰਾ ਸੀਟ - 165 ਕਰੋੜ ਰੁਪਏ
- ਤਾਰਿਕ ਹਮੀਦ ਕਾਰਾ (ਕਾਂਗਰਸ)- ਕੇਂਦਰੀ ਸ਼ਾਲਟੇਂਗ ਸੀਟ - 148 ਕਰੋੜ ਰੁਪਏ
- ਮੁਸ਼ਤਾਕ ਗੁਰੂ (ਜੇਕੇਐਨਸੀ) - ਚੰਨਪੋਰਾ ਸੀਟ - 94 ਕਰੋੜ ਰੁਪਏ
ਘੱਟੋ-ਘੱਟ ਜਾਇਦਾਦ ਵਾਲਾ ਉਮੀਦਵਾਰ
- ਮੁਹੰਮਦ ਅਕਰਮ (S/O ਖਾਦਮ ਹੁਸੈਨ) (ਆਜ਼ਾਦ) - ਸੂਰਨਕੋਟ ਸੀਟ - 500 ਰੁਪਏ
- ਰਵਿੰਦਰ ਰੈਨਾ (ਭਾਜਪਾ - ਸੂਬਾ ਪ੍ਰਧਾਨ) - ਨੌਸ਼ੇਰਾ ਸੀਟ - 1,000 ਰੁਪਏ
- ਸਮੀਰ ਅਹਿਮਦ ਭੱਟ (NRPI) - ਕੇਂਦਰੀ ਸ਼ਾਲਟੇਂਗ ਸੀਟ - 1,694 ਰੁਪਏ
ਦੂਜੇ ਪੜਾਅ ਦੀਆਂ ਵੀਆਈਪੀ ਸੀਟਾਂ ਅਤੇ ਉਮੀਦਵਾਰ
ਸ਼੍ਰੀ ਮਾਤਾ ਵੈਸ਼ਨੋ ਦੇਵੀ ਸੀਟ: ਹਰ ਕਿਸੇ ਦੀ ਨਜ਼ਰ ਸ਼੍ਰੀ ਮਾਤਾ ਵੈਸ਼ਨੋ ਦੇਵੀ ਸੀਟ 'ਤੇ ਵੀ ਹੋਵੇਗੀ। ਕੀ ਅਯੁੱਧਿਆ (2024 ਲੋਕ ਸਭਾ ਚੋਣਾਂ) ਵਿੱਚ ਹਾਰ ਤੋਂ ਬਾਅਦ ਭਾਜਪਾ ਇਸ ਨੂੰ ਜਿੱਤ ਸਕੇਗੀ?
ਕੌਣ ਹਨ ਚੋਣ ਮੈਦਾਨ 'ਚ ਉਮੀਦਵਾਰ?
- ਬਲਦੇਵ ਰਾਜ ਸ਼ਰਮਾ (ਭਾਜਪਾ)
- ਭੁਪਿੰਦਰ ਸਿੰਘ (ਕਾਂਗਰਸ)
- ਪ੍ਰਤਾਪ ਕ੍ਰਿਸ਼ਨ ਸ਼ਰਮਾ (JKPDP)
ਗੰਦਰਬਲ ਅਤੇ ਬਡਗਾਮ ਸੀਟਾਂ: ਉਮਰ ਅਬਦੁੱਲਾ ਐਨਸੀ ਤੋਂ ਦੋਵਾਂ ਸੀਟਾਂ 'ਤੇ ਚੋਣ ਲੜ ਰਹੇ ਹਨ। ਉਹ 2009 ਤੋਂ 2015 ਤੱਕ ਜੰਮੂ-ਕਸ਼ਮੀਰ ਦੇ ਸਾਬਕਾ ਮੁੱਖ ਮੰਤਰੀ ਰਹੇ। ਉਹ ਸਾਬਕਾ ਕੇਂਦਰੀ ਮੰਤਰੀ ਵੀ ਰਹਿ ਚੁੱਕੇ ਹਨ। ਉਹ ਡਾ: ਫਾਰੂਕ ਅਬਦੁੱਲਾ ਦੇ ਪੁੱਤਰ ਹਨ। ਉਹ 2024 ਦੀਆਂ ਲੋਕ ਸਭਾ ਚੋਣਾਂ ਬਾਰਾਮੂਲਾ ਸੀਟ ਤੋਂ 2,04,142 ਵੋਟਾਂ ਦੇ ਫਰਕ ਨਾਲ ਹਾਰ ਗਏ ਸਨ।
ਚੰਨਪੋਰਾ ਸੀਟ: ਸਈਅਦ ਮੁਹੰਮਦ ਅਲਤਾਫ ਬੁਖਾਰੀ ਇਸ ਸੀਟ ਤੋਂ ਚੋਣ ਲੜ ਰਹੇ ਹਨ। ਜੰਮੂ-ਕਸ਼ਮੀਰ ਆਪਣੀ ਦੀ ਪਾਰਟੀ ਦੇ ਪ੍ਰਧਾਨ ਹਨ। ਜੰਮੂ-ਕਸ਼ਮੀਰ ਸਰਕਾਰ 'ਚ ਮੰਤਰੀ ਰਹਿ ਚੁੱਕੇ ਹਨ।
ਨੌਸ਼ੇਰਾ ਸੀਟ ਤੋਂ ਭਾਜਪਾ ਪ੍ਰਧਾਨ ਰਵਿੰਦਰ ਰੈਨਾ ਚੋਣ ਲੜ ਰਹੇ ਹਨ। ਉਹ ਨੌਸ਼ੇਰਾ ਤੋਂ ਸਾਬਕਾ ਵਿਧਾਇਕ ਹਨ। ਉਨ੍ਹਾਂ ਨੇ ਆਪਣੀ ਜਾਇਦਾਦ ਸਿਰਫ 1000 ਰੁਪਏ ਦੱਸੀ ਹੈ।
ਕੇਂਦਰੀ ਸ਼ਾਲਟੇਂਗ ਸੀਟ: ਜੰਮੂ-ਕਸ਼ਮੀਰ ਕਾਂਗਰਸ ਦੇ ਪ੍ਰਧਾਨ ਤਾਰਿਕ ਹਮੀਦ ਕਾਰਾ ਚੋਣ ਮੈਦਾਨ ਵਿੱਚ ਹਨ। ਪਹਿਲਾਂ ਪੀ.ਡੀ.ਪੀ. ਵਿੱਚ ਸਨ। ਉਹ ਜੰਮੂ-ਕਸ਼ਮੀਰ ਦੇ ਸਾਬਕਾ ਮੰਤਰੀ ਰਹਿ ਚੁੱਕੇ ਹਨ। ਦੂਜੇ ਸਭ ਤੋਂ ਅਮੀਰ ਉਮੀਦਵਾਰ ਹਨ। ਉਨ੍ਹਾਂ ਦੀ ਜਾਇਦਾਦ 148 ਕਰੋੜ ਰੁਪਏ ਤੋਂ ਵੱਧ ਹੈ।
ਇਹ ਵੀ ਪੜ੍ਹੋ: ਤੁਹਾਨੂੰ ਵੀ ਗੱਲ-ਗੱਲ 'ਤੇ Tension ਲੈਣ ਦੀ ਆਦਤ ਤਾਂ ਅੱਜ ਹੀ ਛੱਡ ਦਿਓ, ਵੱਧ ਸਕਦਾ ਹਾਰਟ ਅਟੈਕ ਦਾ ਖਤਰਾ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
