ਰੋਜ਼ਾਨਾ ਵਾਂਗ ਖਾਂਦੇ ਹੋ ਬਿਸਕੁਟ...ਤਾਂ ਸਾਵਧਾਨ! ਸਿਹਤ ਨੂੰ ਇੰਝ ਪਹੁੰਚਾਉਂਦੇ ਨੁਕਸਾਨ

ਬੱਚੇ ਹੋਣ ਜਾਂ ਵੱਡੇ, ਹਰ ਕੋਈ ਆਮ ਤੌਰ 'ਤੇ ਰੋਜ਼ਾਨਾ ਚਾਹ ਦੇ ਨਾਲ ਬਿਸਕੁਟ ਦਾ ਸੇਵਨ ਕਰਦੇ ਹਨ, ਖਾਸ ਕਰਕੇ ਸਵੇਰ ਦੇ ਸਮੇਂ। ਕੁੱਝ ਲੋਕ ਤਾਂ ਸ਼ਾਮ ਦੀ ਚਾਹ ਨਾਲ ਵੀ ਬਿਸਕੁਟ ਦਾ ਸੇਵਨ ਕਰਦੇ ਹਨ। ਜੇਕਰ ਤੁਸੀਂ ਵੀ ਰੋਜ਼ਾਨਾ ਬਿਸਕੁਟ ਖਾ ਰਹੇ ਤਾਂ..

( Image Source : Freepik )

ਪਰ ਸੱਚਾਈ ਇਸ ਤੋਂ ਬਿਲਕੁਲ ਵੱਖਰੀ ਹੈ। ਦਰਅਸਲ, ਰੋਜ਼ਾਨਾ ਬਿਸਕੁਟ ਖਾਣ ਨਾਲ ਤੁਹਾਡੀ ਸਿਹਤ ਨੂੰ ਕਈ ਗੰਭੀਰ ਨੁਕਸਾਨ ਹੋ ਸਕਦੇ ਹਨ।

ਅਸੀਂ ਸਾਰੇ ਜਾਣਦੇ ਹਾਂ ਕਿ ਮੈਦਾ ਸਾਡੀ ਸਿਹਤ ਲਈ ਬਹੁਤ ਹਾਨੀਕਾਰਕ ਹੈ। ਅਜਿਹੇ 'ਚ ਜੇਕਰ ਤੁਸੀਂ ਰੋਜ਼ਾਨਾ ਬਿਸਕੁਟ ਖਾਂਦੇ ਹੋ ਤਾਂ ਇਹ ਤੁਹਾਨੂੰ ਗੰਭੀਰ ਨੁਕਸਾਨ ਪਹੁੰਚਾ ਸਕਦਾ ਹੈ, ਕਿਉਂਕਿ ਬਿਸਕੁਟ ਅਤੇ ਕੁਕੀਜ਼ ਬਣਾਉਣ 'ਚ ਮੈਦੇ ਦੀ ਵਰਤੋਂ ਕੀਤੀ ਜਾਂਦੀ ਹੈ, ਜੋ ਸਾਡੀਆਂ ਅੰਤੜੀਆਂ ਲਈ ਨੁਕਸਾਨਦੇਹ ਹੈ।

ਮੈਦਾ ਭਾਰ ਵਧਣ, ਬਲੱਡ ਸ਼ੂਗਰ ਵਿਚ ਵਾਧਾ, ਸੋਜ, ਦਿਲ ਦੇ ਰੋਗ ਅਤੇ ਬਦਹਜ਼ਮੀ ਦਾ ਕਾਰਨ ਬਣਦਾ ਹੈ।

ਆਮ ਤੌਰ 'ਤੇ ਬਿਸਕੁਟ ਦਾ ਸੁਆਦ ਮਿੱਠਾ ਹੁੰਦਾ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਬਿਸਕੁਟ ਬਣਾਉਣ ਵਿਚ ਨਮਕ ਦੀ ਵੀ ਵਰਤੋਂ ਕੀਤੀ ਜਾਂਦੀ ਹੈ। ਮਿੱਠੇ ਬਿਸਕੁਟਾਂ ਵਿੱਚ ਪ੍ਰਤੀ 25 ਗ੍ਰਾਮ ਬੈਗ ਵਿੱਚ 0.4 ਗ੍ਰਾਮ ਨਮਕ ਹੁੰਦਾ ਹੈ ਅਤੇ ਇਹਨਾਂ ਨੂੰ ਜ਼ਿਆਦਾ ਮਾਤਰਾ ਵਿੱਚ ਖਾਣ ਨਾਲ ਹਾਈ ਬਲੱਡ ਪ੍ਰੈਸ਼ਰ, ਸਟ੍ਰੋਕ ਅਤੇ ਦਿਲ ਦੀ ਅਸਫਲਤਾ ਦਾ ਖ਼ਤਰਾ ਵੱਧ ਸਕਦਾ ਹੈ।

ਸਟੋਰ ਤੋਂ ਖਰੀਦੇ ਗਏ ਬਿਸਕੁਟ ਅਤੇ ਕੂਕੀਜ਼ ਵਿੱਚ ਬਿਊਟੀਲੇਟਿਡ ਹਾਈਡ੍ਰੋਕਸਾਈਨਿਸੋਲ (BHA) ਅਤੇ ਬਿਊਟੀਲੇਟਿਡ ਹਾਈਡ੍ਰੋਕਸਾਈਟੋਲੂਇਨ (BHT) ਹੁੰਦੇ ਹਨ। ਖੋਜ ਮੁਤਾਬਕ ਇਹ ਦੋਵੇਂ ਸਾਡੇ ਖੂਨ ਲਈ ਨੁਕਸਾਨਦੇਹ ਹਨ। ਇਸ ਤੋਂ ਇਲਾਵਾ, ਬਿਸਕੁਟਾਂ ਵਿੱਚ ਸੋਡੀਅਮ ਬੈਂਜੋਏਟ ਵੀ ਹੁੰਦਾ ਹੈ, ਜੋ ਕਿ ਕੁਝ ਕਿਸਮਾਂ ਦੇ ਡੀਐਨਏ ਨੁਕਸਾਨ ਨਾਲ ਜੁੜਿਆ ਹੋਇਆ ਹੈ।

2013 ਵਿੱਚ ਕਨੈਕਟੀਕਟ ਕਾਲਜ ਵਿੱਚ ਪ੍ਰਕਾਸ਼ਿਤ ਇੱਕ ਅਧਿਐਨ ਦੇ ਅਨੁਸਾਰ, ਬਿਸਕੁਟ ਖਾਣ ਨਾਲ ਦਿਮਾਗ ਨੂੰ ਕੋਕੀਨ ਅਤੇ ਮੋਰਫਿਨ ਵਰਗੀ ਖੁਸ਼ੀ ਮਿਲਦੀ ਹੈ ਅਤੇ ਇਹੀ ਕਾਰਨ ਹੈ ਕਿ ਕੋਈ ਵੀ ਇਸ ਨੂੰ ਖਾਣ ਵਿੱਚ ਕਦੇ ਸਮਝੌਤਾ ਨਹੀਂ ਕਰਦਾ ਅਤੇ ਅਕਸਰ ਇਸ ਤੋਂ ਵੱਧ ਖਾਣ ਦੀ ਆਦਤ ਬਣਾ ਲੈਂਦਾ ਹੈ।