New Parliament Inauguration: 75 ਰੁਪਏ ਦੇ ਸਿੱਕੇ ‘ਚ 1200 ਦੀ ਚਾਂਦੀ, ਨਵੀਂ ਸੰਸਦ ‘ਚ ਜਾਰੀ ਕਰੇਗੀ ਸਰਕਾਰ

Parliament Building Inauguration: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 28 ਮਈ ਨੂੰ ਨਵੀਂ ਸੰਸਦ ਦਾ ਉਦਘਾਟਨ ਕਰਨਗੇ। ਇਸ ਖਾਸ ਮੌਕੇ 'ਤੇ ਕੇਂਦਰ ਸਰਕਾਰ 75 ਰੁਪਏ ਦਾ ਵਿਸ਼ੇਸ਼ ਸਿੱਕਾ ਵੀ ਜਾਰੀ ਕਰੇਗੀ।

New coin

ਨਵੀਂ ਸੰਸਦ ਦੇ ਉਦਘਾਟਨ ਵਾਲੇ ਦਿਨ 28 ਮਈ ਨੂੰ ਨਵਾਂ ਸਿੱਕਾ ਵੀ ਜਾਰੀ ਕੀਤਾ ਜਾਵੇਗਾ। PM ਮੋਦੀ 75 ਰੁਪਏ ਦਾ ਨਵਾਂ ਸਿੱਕਾ ਜਾਰੀ ਕਰਨਗੇ।

ਸਿੱਕੇ ਦੇ ਵਿਚਕਾਰ ਅਸ਼ੋਕ ਥੰਮ੍ਹ, ਇਸ ਦੇ ਹੇਠਾਂ ਸਤਿਆਮੇਵ ਜਯਤੇ ਲਿਖਿਆ ਹੋਵੇਗਾ। ਖੱਬੇ ਪਾਸੇ ਹਿੰਦੀ ਵਿੱਚ ਭਾਰਤ ਲਿਖਿਆ ਜਾਵੇਗਾ, ਸੱਜੇ ਪਾਸੇ India ਲਿਖਿਆ ਹੋਵੇਗਾ। ਹੇਠਾਂ ₹ 75 ਲਿਖਿਆ ਹੋਵੇਗਾ।

ਸਿੱਕੇ ਦੇ ਦੂਜੇ ਪਾਸੇ ਮੱਧ 'ਚ ਸੰਸਦ ਕੰਪਲੈਕਸ ਦੀ ਤਸਵੀਰ, ਉੱਪਰ ਹਿੰਦੀ 'ਚ ਸੰਸਦ ਸੰਕੁਲ ਜਦਕਿ ਹੇਠਲੇ ਪਾਸੇ ਸੰਸਦ ਕੰਪਲੈਕਸ ਲਿਖਿਆ ਹੋਵੇਗਾ। ਸੰਸਦ ਕੰਪਲੈਕਸ ਦੀ ਤਸਵੀਰ ਦੇ ਹੇਠਾਂ 2023 ਲਿਖਿਆ ਹੋਵੇਗਾ।

ਸਿੱਕੇ ਦੀ ਗੋਲਾਈ 44 ਮਿਲੀਮੀਟਰ ਹੋਵੇਗੀ। ਸਿੱਕੇ 'ਚ 50 ਫੀਸਦੀ ਚਾਂਦੀ, 40 ਫੀਸਦੀ ਤਾਂਬਾ, 5 ਫੀਸਦੀ ਨਿਕਲ ਅਤੇ 5 ਫੀਸਦੀ ਜ਼ਿੰਕ ਹੋਵੇਗਾ।

ਇਹ ਸਿੱਕਾ ਡਿਪਾਰਟਮੈਂਟ ਆਫ ਇਕੋਨੋਮਿਕ ਅਫੇਅਰਸ ਜਾਰੀ ਕੀਤਾ ਜਾਵੇਗਾ। ਮੰਤਰਾਲੇ ਦੇ ਇਕ ਅਧਿਕਾਰੀ ਨੇ ਕਿਹਾ, ਇਸ ਨੂੰ ਯਾਦਗਾਰ ਦੇ ਤੌਰ ‘ਤੇ ਜਾਰੀ ਕੀਤਾ ਜਾਵੇਗਾ। ਇਸ ਨੂੰ ਲਗਭਗ 3800 ਰੁਪਏ ਪ੍ਰਤੀ ਸਿੱਕਾ ਦੀ ਦਰ ਨਾਲ ਵੇਚਿਆ ਜਾਵੇਗਾ।

ਸਿੱਕੇ ਦਾ ਭਾਰ 35 ਗ੍ਰਾਮ ਹੈ ਜਿਸ ਵਿੱਚ 17.5 ਗ੍ਰਾਮ ਚਾਂਦੀ ਹੈ। ਇੱਕ ਗ੍ਰਾਮ ਚਾਂਦੀ ਦੀ ਮੌਜੂਦਾ ਕੀਮਤ 70 ਰੁਪਏ ਹੈ। ਇਸ ਤਰ੍ਹਾਂ 17.5 ਗ੍ਰਾਮ ਦੀ ਕੀਮਤ 1225 ਰੁਪਏ ਹੈ।

ਖਾਸ ਗੱਲ ਇਹ ਹੈ ਕਿ ਸਿੱਕੇ 'ਤੇ ਸੰਸਦ ਕੰਪਲੈਕਸ ਦਾ ਹਿੰਦੀ ਨਾਂ ਲਿਖਿਆ ਹੋਇਆ ਹੈ। ਇਹ ਇਸ ਲਈ ਮਹੱਤਵਪੂਰਨ ਹੈ ਕਿਉਂਕਿ ਚਰਚਾ ਹੈ ਕਿ ਸਰਕਾਰ ਨਵੀਂ ਸੰਸਦ ਭਵਨ ਦਾ ਨਾਂ ਬਦਲ ਕੇ ਕੁਝ ਹੋਰ ਕਰਨ 'ਤੇ ਵਿਚਾਰ ਕਰ ਰਹੀ ਹੈ।