ਚੜ੍ਹਦੇ ਸਾਲ ਹੀ ਲੱਗੇਗਾ ਮਹਿੰਗਾਈ ਦਾ ਪਹਿਲਾ ਝਟਕਾ ! ਹੱਦੋਂ ਜ਼ਿਆਦਾ ਮਹਿੰਗੇ ਹੋ ਜਾਣਗੇ ਸਮਾਰਟਫੋਨ, ਜਾਣੋ ਕੀ ਵਜ੍ਹਾ ?
ਹਾਰਡਵੇਅਰ 'ਤੇ ਹੀ ਨਹੀਂ AI ਫੀਚਰਸ ਕਾਰਨ ਕੰਪਨੀਆਂ ਨੂੰ ਸਾਫਟਵੇਅਰ 'ਤੇ ਵੀ ਕਾਫੀ ਮਿਹਨਤ ਕਰਨੀ ਪੈ ਰਹੀ ਹੈ। ਸਾਫਟਵੇਅਰ ਦੇ ਵਧੇਰੇ ਗੁੰਝਲਦਾਰ ਹੋਣ ਤੇ ਏਆਈ ਐਲਗੋਰਿਦਮ ਦੇ ਜੋੜਨ ਕਾਰਨ ਸਮਾਰਟਫੋਨ ਦੀਆਂ ਕੀਮਤਾਂ ਵੀ ਵਧਣਗੀਆਂ। ਹਾਲਾਂਕਿ ਇਨ੍ਹਾਂ ਕੀਮਤਾਂ ਕਾਰਨ ਖਪਤਕਾਰਾਂ ਨੂੰ ਬਿਹਤਰ ਉਤਪਾਦ ਮਿਲਣਗੇ।
ਸਾਲ 2024 ਆਪਣੇ ਆਖਰੀ ਮਹੀਨੇ ਦਸੰਬਰ ਵੱਲ ਵਧ ਰਿਹਾ ਹੈ। ਜਲਦੀ ਹੀ ਦਸੰਬਰ ਆਵੇਗਾ ਅਤੇ ਫਿਰ ਨਵੇਂ ਸਾਲ ਦੀਆਂ ਤਿਆਰੀਆਂ ਸ਼ੁਰੂ ਹੋ ਜਾਣਗੀਆਂ। ਸਾਲ 2024 'ਚ AI ਫੀਚਰਸ ਵਾਲੇ ਮੋਬਾਇਲ ਚਰਚਾ 'ਚ ਰਹੇ ਹਨ ਪਰ ਇਹ ਟੈਕਨਾਲੋਜੀ ਸਿਰਫ ਕੁਝ ਫੋਨਾਂ ਤੱਕ ਹੀ ਸੀਮਤ ਰਹੀ ਹੈ। ਅਸੀਂ ਸਾਲ 2025 ਵਿੱਚ ਨਵੀਆਂ ਤਕਨੀਕਾਂ ਦੇਖ ਸਕਦੇ ਹਾਂ।
ਹਾਲਾਂਕਿ ਅਗਲੇ ਸਾਲ ਸਮਾਰਟਫੋਨ ਖ਼ਰੀਦਣ ਲਈ ਖਪਤਕਾਰਾਂ ਨੂੰ ਇਸ ਸਾਲ ਦੇ ਮੁਕਾਬਲੇ ਜ਼ਿਆਦਾ ਪੈਸੇ ਖਰਚ ਕਰਨੇ ਪੈਣਗੇ। ਇਸ ਦੇ ਕਈ ਕਾਰਨ ਹਨ। ਐਡਵਾਂਸਡ ਕੰਪੋਨੈਂਟਸ ਦੀਆਂ ਕੀਮਤਾਂ ਵਧਣ, 5ਜੀ ਟੈਕਨਾਲੋਜੀ ਵੱਲ ਬਾਜ਼ਾਰ ਸ਼ਿਫਟ ਤੇ ਏਆਈ ਵਰਗੀਆਂ ਵਿਸ਼ੇਸ਼ਤਾਵਾਂ ਕਾਰਨ ਫੋਨਾਂ ਦੀਆਂ ਕੀਮਤਾਂ ਵਧਣਗੀਆਂ।
ਕਾਊਂਟਰਪੁਆਇੰਟ ਰਿਸਰਚ ਦੀ ਰਿਪੋਰਟ ਦੇ ਅਨੁਸਾਰ, 2024 ਵਿੱਚ ਸਮਾਰਟਫੋਨ ਦੀ ਵਿਸ਼ਵਵਿਆਪੀ ਔਸਤ ਵਿਕਰੀ ਕੀਮਤ 3 ਪ੍ਰਤੀਸ਼ਤ ਅਤੇ 2025 ਵਿੱਚ 5 ਪ੍ਰਤੀਸ਼ਤ ਵਧ ਜਾਵੇਗੀ। ਇਸ ਦਾ ਇੱਕ ਮੁੱਖ ਕਾਰਨ ਪ੍ਰੀਮੀਅਮ ਸਮਾਰਟਫੋਨਜ਼ ਦੀ ਵਧਦੀ ਮੰਗ ਹੈ, ਜੋ ਸ਼ਕਤੀਸ਼ਾਲੀ ਪ੍ਰੋਸੈਸਰ, ਪਾਵਰਫੁੱਲ ਕੈਮਰਾ ਅਤੇ AI ਵਰਗੇ ਫੀਚਰਸ ਨਾਲ ਆ ਰਹੇ ਹਨ।
ਸਮਾਰਟਫ਼ੋਨਸ ਵਿੱਚ ਜਨਰੇਟਿਵ AI ਦਾ ਏਕੀਕਰਣ ਤੇਜ਼ੀ ਨਾਲ ਹੋ ਰਿਹਾ ਹੈ। ਇਸ ਫੀਚਰ ਦੇ ਨਾਲ ਹੀ ਸਮਾਰਟਫੋਨ ਪ੍ਰੀਮੀਅਮ ਬਣ ਰਹੇ ਹਨ ਕਿਉਂਕਿ, ਉਪਭੋਗਤਾ ਜਨਰੇਟਿਵ AI ਵਰਗੀਆਂ ਵਿਸ਼ੇਸ਼ਤਾਵਾਂ ਨੂੰ ਪਸੰਦ ਕਰ ਰਹੇ ਹਨ। ਇਸ ਲਈ ਸਮਾਰਟਫੋਨ ਨਿਰਮਾਤਾ ਪ੍ਰੋਸੈਸਰ ਬਣਾਉਣ ਵਿੱਚ ਨਿਵੇਸ਼ ਕਰ ਰਹੇ ਹਨ ਜੋ ਬਿਹਤਰ CPU, NPU ਅਤੇ GPU ਸਮਰੱਥਾਵਾਂ ਦੇ ਨਾਲ ਆਉਂਦੇ ਹਨ।
ਇਸ ਕਾਰਨ ਕੀਮਤਾਂ 'ਚ ਵਾਧਾ ਦੇਖਿਆ ਜਾ ਰਿਹਾ ਹੈ। ਕਾਊਂਟਰਪੁਆਇੰਟ ਦੀ ਰਿਪੋਰਟ ਮੁਤਾਬਕ, ਜਿਵੇਂ-ਜਿਵੇਂ ਅਸੀਂ AI ਸਮਾਰਟਫੋਨਜ਼ ਦੇ ਦੌਰ 'ਚ ਦਾਖਲ ਹੋ ਰਹੇ ਹਾਂ, ਜਨਰੇਟਿਵ AI ਵਾਲੇ ਫੀਚਰਸ ਦਾ ਰੁਝਾਨ ਵਧੇਗਾ। ਇਸ ਦੇ ਲਈ ਜ਼ਿਆਦਾ ਪਾਵਰਫੁੱਲ ਪ੍ਰੋਸੈਸਰ ਦੀ ਲੋੜ ਹੋਵੇਗੀ, ਜਿਨ੍ਹਾਂ ਦੀ ਕੀਮਤ ਆਮ ਨਾਲੋਂ ਜ਼ਿਆਦਾ ਹੋਵੇਗੀ।
ਹਾਰਡਵੇਅਰ 'ਤੇ ਹੀ ਨਹੀਂ AI ਫੀਚਰਸ ਕਾਰਨ ਕੰਪਨੀਆਂ ਨੂੰ ਸਾਫਟਵੇਅਰ 'ਤੇ ਵੀ ਕਾਫੀ ਮਿਹਨਤ ਕਰਨੀ ਪੈ ਰਹੀ ਹੈ। ਸਾਫਟਵੇਅਰ ਦੇ ਵਧੇਰੇ ਗੁੰਝਲਦਾਰ ਹੋਣ ਤੇ ਏਆਈ ਐਲਗੋਰਿਦਮ ਦੇ ਜੋੜਨ ਕਾਰਨ ਸਮਾਰਟਫੋਨ ਦੀਆਂ ਕੀਮਤਾਂ ਵੀ ਵਧਣਗੀਆਂ। ਹਾਲਾਂਕਿ ਇਨ੍ਹਾਂ ਕੀਮਤਾਂ ਕਾਰਨ ਖਪਤਕਾਰਾਂ ਨੂੰ ਬਿਹਤਰ ਉਤਪਾਦ ਮਿਲਣਗੇ।
ਨੋਟ : - ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ। ਸਾਡੀ ABP ਸਾਂਝਾ ਦੀ ਵੈੱਬਸਾਈਟ https://punjabi.abplive.com/ 'ਤੇ ਜਾ ਕੇ ਵੀ ਖ਼ਬਰਾਂ ਨੂੰ ਤਫ਼ਸੀਲ ਨਾਲ ਪੜ੍ਹ ਸਕਦੇ ਹੋ ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
