OMG! ਈਅਰਫੋਨ ਸ਼ੇਅਰ ਕਰਨ ਨਾਲ ਬੋਲਾ ਹੋ ਗਿਆ 18 ਸਾਲਾ ਨੌਜਵਾਨ, ਕੀ ਤੁਸੀਂ ਵੀ ਕਰ ਰਹੇ ਹੋ ਅਜਿਹੀ ਗਲਤੀ?
WHO ਦੇ ਅਨੁਸਾਰ, ਈਅਰਫੋਨ ਜਾਂ ਹੈੱਡਫੋਨ ਦੀ ਜ਼ਿਆਦਾ ਵਰਤੋਂ ਦੁਨੀਆ ਭਰ ਦੇ ਲਗਭਗ 100 ਕਰੋੜ ਨੌਜਵਾਨਾਂ ਦੀ ਸੁਣਨ ਸ਼ਕਤੀ ਨੂੰ ਪ੍ਰਭਾਵਿਤ ਕਰ ਸਕਦੀ ਹੈ। ਈਅਰਫੋਨ ਸ਼ੇਅਰ ਕਰਨਾ ਵੀ ਖਤਰਨਾਕ ਹੋ ਸਕਦਾ ਹੈ।
Earphones Side Effects : ਜੇ ਤੁਸੀਂ ਵੀ ਕਿਸੇ ਦਾ ਈਅਰਫੋਨ ਚੁੱਕ ਕੇ ਕੰਨਾਂ 'ਚ ਲਾ ਲੈਂਦੇ ਹੋ ਤਾਂ ਤੁਹਾਡੇ ਲਈ ਬੁਰੀ ਖਬਰ ਹੈ। ਉੱਤਰ ਪ੍ਰਦੇਸ਼ ਦੇ ਗੋਰਖਪੁਰ ਤੋਂ ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਇੱਕ 18 ਸਾਲਾ ਲੜਕਾ ਈਅਰਫੋਨ ਸ਼ੇਅਰ ਕਰਨ ਕਾਰਨ ਬੋਲ਼ਾ ਹੋ ਗਿਆ ਹੈ। ਇਹ ਸੁਣਨ ਵਿੱਚ ਥੋੜ੍ਹਾ ਅਜੀਬ ਲੱਗ ਸਕਦਾ ਹੈ, ਪਰ ਡਾਕਟਰਾਂ ਨੇ ਖੁਦ ਇਸ ਦੀ ਪੁਸ਼ਟੀ ਕੀਤੀ ਹੈ। ਦਰਅਸਲ, ਈਅਰਫੋਨ ਸ਼ੇਅਰ ਕਰਨ ਨਾਲ ਲੜਕੇ ਦੇ ਕੰਨਾਂ ਵਿੱਚ ਇਨਫੈਕਸ਼ਨ ਹੋ ਗਿਆ ਅਤੇ ਹੌਲੀ-ਹੌਲੀ ਉਸ ਨੇ ਸੁਣਨਾ ਬੰਦ ਕਰ ਦਿੱਤਾ। ਸਮੱਸਿਆ ਵਧਣ 'ਤੇ ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਦੋ ਸਰਜਰੀਆਂ ਹੋਣ ਤੋਂ ਬਾਅਦ ਵੀ ਉਸ ਨੂੰ ਕੋਈ ਫਾਇਦਾ ਨਹੀਂ ਹੋਇਆ। ਇਸ ਤੋਂ ਬਾਅਦ ਪਰਿਵਾਰ ਵਾਲੇ ਉਸ ਨੂੰ ਦਿੱਲੀ ਲੈ ਗਏ। ਜਿੱਥੇ ਇਮਪਲਾਂਟ ਕਰਕੇ ਉਸ ਦੀ ਆਮ ਸੁਣਨ ਸ਼ਕਤੀ ਨੂੰ ਠੀਕ ਕੀਤਾ ਗਿਆ। ਆਓ ਜਾਣਦੇ ਹਾਂ ਕਿ ਕੀ ਈਅਰਫੋਨ ਸ਼ੇਅਰ ਕਰਨਾ ਸੱਚਮੁੱਚ ਇੱਕ ਸਮੱਸਿਆ ਹੋ ਸਕਦੀ ਹੈ।
ਕੀ ਹੈ ਗੋਰਖਪੁਰ ਦਾ ਪੂਰਾ ਮਾਮਲਾ?
ਮੀਡੀਆ ਰਿਪੋਰਟਾਂ ਮੁਤਾਬਕ ਇਹ ਲੜਕਾ ਹਰ ਰੋਜ਼ ਕਰੀਬ 8-10 ਘੰਟੇ ਈਅਰਫੋਨ ਲਗਾ ਕੇ ਰੱਖਦਾ ਸੀ। ਸ਼ੁਰੂ ਵਿਚ ਉਸ ਦੇ ਕੰਨਾਂ ਵਿਚ ਦਰਦ ਦੀ ਸਮੱਸਿਆ ਸੀ। ਪੀੜਤ ਆਪਣੇ ਦੋਸਤਾਂ ਦੇ ਈਅਰਫੋਨ ਦੀ ਵਰਤੋਂ ਵੀ ਕਰਦਾ ਸੀ, ਜਿਸ ਕਾਰਨ ਉਸ ਦੀ ਪ੍ਰੇਸ਼ਾਨੀ ਹੋਰ ਵੀ ਵਧ ਗਈ। ਲੜਕੇ ਦਾ ਇਲਾਜ ਕਰ ਰਹੇ ਡਾਕਟਰਾਂ ਦਾ ਕਹਿਣਾ ਹੈ ਕਿ ਈਅਰਫੋਨ ਸ਼ੇਅਰ ਕਰਨ ਨਾਲ ਉਸ ਦੇ ਕੰਨਾਂ 'ਚ ਇਨਫੈਕਸ਼ਨ ਹੋ ਗਈ। ਇਸ ਦੇ ਬਾਵਜੂਦ ਉਸ ਦਾ ਈਅਰਫੋਨ ਨਾਲ ਲਗਾਵ ਘੱਟ ਨਹੀਂ ਹੋਇਆ ਅਤੇ ਹਾਲਤ ਅਜਿਹੀ ਬਣ ਗਈ ਕਿ ਜਦੋਂ ਉਹ ਈਅਰਫੋਨ ਲਗਾ ਲੈਂਦਾ ਹੈ ਤਾਂ ਉਸ ਨੂੰ ਬਿਲਕੁਲ ਵੀ ਸੁਣਾਈ ਨਹੀਂ ਦਿੰਦਾ। ਕੰਨ 'ਚ ਬੈਕਟੀਰੀਆ ਵਧਣ ਕਾਰਨ ਸੁਣਨ ਸ਼ਕਤੀ ਕਾਫੀ ਘੱਟ ਗਈ ਅਤੇ ਫਿਰ ਉਹ ਡਾਕਟਰ ਕੋਲ ਪਹੁੰਚਿਆ। ਜਿੱਥੇ ਉਸ ਦੇ ਇਲਾਜ 'ਤੇ ਕਰੀਬ ਡੇਢ ਲੱਖ ਰੁਪਏ ਦਾ ਖਰਚਾ ਆਇਆ ਹੈ।
ਕੀ ਕਹਿੰਦੇ ਹਨ ਸਿਹਤ ਮਾਹਿਰ
ਦਰਅਸਲ, ਸਾਡੇ ਕੰਨ ਦੇ ਅੰਦਰ ਇੱਕ ਪਰਦਾ ਹੁੰਦਾ ਹੈ। ਜਿਸ ਨੂੰ Ear Drum ਕਿਹਾ ਜਾਂਦਾ ਹੈ। ਜਦੋਂ ਕੋਈ ਵਿਅਕਤੀ ਲੰਬੇ ਸਮੇਂ ਤੱਕ ਈਅਰਫੋਨ ਜਾਂ ਹੈੱਡਫੋਨ ਦੀ ਵਰਤੋਂ ਕਰਦਾ ਹੈ ਜਾਂ ਉੱਚੀ ਆਵਾਜ਼ ਵਿੱਚ ਗਾਣੇ ਸੁਣਦਾ ਹੈ, ਤਾਂ ਇਹ ਆਵਾਜ਼ ਅਤੇ ਇਸਦੇ ਵਾਈਬ੍ਰੇਸ਼ਨ ਦੇ ਦਬਾਅ ਨਾਲ Ear Drum ਨਾਲ ਟਕਰਾ ਜਾਂਦਾ ਹੈ। ਇਸ ਕਾਰਨ ਕਈ ਸਮੱਸਿਆਵਾਂ ਹੋਣ ਲੱਗਦੀਆਂ ਹਨ। WHO ਦੇ ਅਨੁਸਾਰ, ਈਅਰਫੋਨ ਜਾਂ ਹੈੱਡਫੋਨ ਦੀ ਜ਼ਿਆਦਾ ਵਰਤੋਂ ਦੁਨੀਆ ਭਰ ਦੇ ਲਗਭਗ 100 ਕਰੋੜ ਨੌਜਵਾਨਾਂ ਦੀ ਸੁਣਨ ਸ਼ਕਤੀ ਨੂੰ ਪ੍ਰਭਾਵਤ ਕਰ ਸਕਦੀ ਹੈ।
ਈਅਰਫੋਨ ਕਿੰਨੀ ਦੇਰ ਤੱਕ ਲਾਉਣੇ ਚਾਹੀਦੇ ਹਨ
ਇਕ ਅਧਿਐਨ ਮੁਤਾਬਕ ਜੇ ਕੋਈ ਵਿਅਕਤੀ 90 ਡੈਸੀਬਲ ਤੋਂ ਜ਼ਿਆਦਾ ਆਵਾਜ਼ ਵਿਚ ਦੋ ਘੰਟੇ ਤੋਂ ਜ਼ਿਆਦਾ ਸਮੇਂ ਤੱਕ ਗੀਤ ਸੁਣਦਾ ਹੈ ਤਾਂ ਉਹ ਨਾ ਸਿਰਫ ਬੋਲੇਪਣ ਦਾ ਸ਼ਿਕਾਰ ਹੋ ਸਕਦਾ ਹੈ, ਸਗੋਂ ਉਸ ਨੂੰ ਕਈ ਹੋਰ ਸਮੱਸਿਆਵਾਂ ਵੀ ਹੋ ਸਕਦੀਆਂ ਹਨ। ਸਾਡੇ ਕੰਨ 90 ਡੈਸੀਬਲ ਤੱਕ ਸੁਣ ਸਕਦੇ ਹਨ। ਜਦੋਂ ਅਸੀਂ ਗਾਣੇ ਬਹੁਤ ਉੱਚੀ ਆਵਾਜ਼ ਵਿੱਚ ਸੁਣਦੇ ਹਾਂ, ਤਾਂ ਇਹ 40-50 ਡੈਸੀਬਲ ਤੱਕ ਪਹੁੰਚ ਸਕਦਾ ਹੈ। ਦੂਰ ਦੀ ਆਵਾਜ਼ ਇਸ ਤੋਂ ਘੱਟ ਸੁਣੀ ਜਾ ਸਕਦੀ ਹੈ। ਮਾਹਿਰਾਂ ਅਨੁਸਾਰ ਉੱਚੀ ਆਵਾਜ਼ ਵਿੱਚ ਗੀਤ ਸੁਣਨ ਦਾ ਸਿੱਧਾ ਅਸਰ ਦਿਲ 'ਤੇ ਪੈਂਦਾ ਹੈ। ਖੋਜ 'ਚ ਦਾਅਵਾ ਕੀਤਾ ਗਿਆ ਹੈ ਕਿ ਉੱਚੀ ਆਵਾਜ਼ 'ਚ ਗੀਤ ਸੁਣਨ ਨਾਲ ਦਿਲ ਦੀ ਧੜਕਣ ਬਹੁਤ ਤੇਜ਼ ਹੋ ਜਾਂਦੀ ਹੈ। ਇਸ ਸਥਿਤੀ ਵਿੱਚ, ਦਿਲ ਦੀ ਧੜਕਣ ਆਮ ਰਫ਼ਤਾਰ ਨਾਲੋਂ ਤੇਜ਼ ਹੁੰਦੀ ਹੈ। ਜਿਸ ਕਾਰਨ ਉਸ ਨੂੰ ਨੁਕਸਾਨ ਹੋ ਸਕਦਾ ਹੈ। ਈਅਰਫੋਨ ਤੋਂ ਇਲੈਕਟ੍ਰੋਮੈਗਨੈਟਿਕ ਤਰੰਗਾਂ ਨਿਕਲਦੀਆਂ ਹਨ, ਜਿਸ ਦਾ ਦਿਮਾਗ 'ਤੇ ਵੀ ਮਾੜਾ ਪ੍ਰਭਾਵ ਪੈਂਦਾ ਹੈ।
Disclaimer: ਇਸ ਲੇਖ ਵਿਚ ਦੱਸੇ ਗਏ ਸੁਝਾਵਾਂ ਨੂੰ ਅਪਣਾਉਣ ਤੋਂ ਪਹਿਲਾਂ, ਕਿਸੇ ਡਾਕਟਰ ਜਾਂ ਸਬੰਧਤ ਮਾਹਰ ਦੀ ਸਲਾਹ ਜ਼ਰੂਰ ਲਓ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
