Bad Breath: ਸਾਹ ਦੀ ਬਦਬੂ ਤੋਂ ਛੁਟਕਾਰਾ ਪਾਉਣ ਲਈ ਜ਼ਰੂਰ ਅਪਣਾਓ ਇਹ ਅਸਰਦਾਰ ਘਰੇਲੂ ਨੁਸਖੇ
How to get rid of bad breath: ਸਾਹ ਦੀ ਬਦਬੂ ਨਾ ਸਿਰਫ਼ ਤੁਹਾਡਾ ਮੂਡ ਵਿਗਾੜਦੀ ਹੈ, ਸਗੋਂ ਆਸ-ਪਾਸ ਬੈਠੇ ਲੋਕਾਂ ਨੂੰ ਤੁਹਾਡੇ ਨਾਲ ਗੱਲ ਕਰਨ 'ਚ ਵੀ ਪ੍ਰੇਸ਼ਾਨੀ ਬਣਦੀ ਹੈ।
How to get rid of bad breath: ਸਾਹ ਦੀ ਬਦਬੂ ਨਾ ਸਿਰਫ਼ ਤੁਹਾਡਾ ਮੂਡ ਵਿਗਾੜਦੀ ਹੈ, ਸਗੋਂ ਆਸ-ਪਾਸ ਬੈਠੇ ਲੋਕਾਂ ਨੂੰ ਤੁਹਾਡੇ ਨਾਲ ਗੱਲ ਕਰਨ 'ਚ ਵੀ ਪ੍ਰੇਸ਼ਾਨੀ ਬਣਦੀ ਹੈ। ਜੇਕਰ ਇਹ ਸਮੱਸਿਆ ਲੰਬੇ ਸਮੇਂ ਤੱਕ ਬਣੀ ਰਹੇ ਤਾਂ ਪਾਰਟਨਰ ਤੋਂ ਲੈ ਕੇ ਦੋਸਤ ਤੱਕ ਹਰ ਕੋਈ ਤੁਹਾਡੇ ਨੇੜੇ ਬੈਠ ਕੇ ਗੱਲ ਕਰਨ ਤੋਂ ਪ੍ਰਹੇਜ਼ ਕਰਨ ਲੱਗ ਜਾਂਦਾ ਹੈ। ਸਾਹ ਦੀ ਬਦਬੂ ਦੇ ਕਈ ਵੱਖ-ਵੱਖ ਕਾਰਨ ਹੋ ਸਕਦੇ ਹਨ।
ਕਈ ਵਾਰ ਇਸ ਦਾ ਕਾਰਨ ਗਲਤ ਖਾਣ-ਪੀਣ ਨਾਲ ਜੁੜਿਆ ਹੁੰਦਾ ਹੈ ਤੇ ਕਈ ਵਾਰ ਢਿੱਡ ਨਾਲ ਸਬੰਧਤ ਬੀਮਾਰੀਆਂ ਕਾਰਨ ਸਾਹ 'ਚ ਬਦਬੂ ਆਉਂਦੀ ਹੈ। ਇਸ ਤੋਂ ਇਲਾਵਾ ਜਿਹੜੇ ਲੋਕ ਲੰਬੇ ਸਮੇਂ ਤੋਂ ਕਿਸੇ ਬੀਮਾਰੀ ਦੀ ਦਵਾਈ ਲੈ ਰਹੇ ਹਨ, ਉਨ੍ਹਾਂ ਨੂੰ ਵੀ ਸਾਹ ਦੀ ਬਦਬੂ ਦੀ ਸਮੱਸਿਆ ਹੋ ਸਕਦੀ ਹੈ। ਖੈਰ, ਤੁਹਾਡੀ ਸਮੱਸਿਆ ਦਾ ਕਾਰਨ ਜੋ ਵੀ ਹੋਵੇ, ਅਸੀਂ ਤੁਹਾਨੂੰ ਇੱਥੇ ਜੋ ਹੱਲ ਦੱਸ ਰਹੇ ਹਾਂ, ਤੁਸੀਂ ਇਨ੍ਹਾਂ ਨੂੰ ਹਰ ਸਥਿਤੀ ਤੋਂ ਸਾਹ ਦੀ ਬਦਬੂ ਨੂੰ ਦੂਰ ਕਰਨ ਲਈ ਅਪਣਾ ਸਕਦੇ ਹੋ ...
1. ਮੂੰਹ ਨੂੰ ਸਹੀ ਤਰੀਕੇ ਨਾਲ ਸਾਫ਼ ਕਰਨ ਦਾ ਤਰੀਕਾ
ਜਿਹੜੇ ਲੋਕ ਮੂੰਹ ਦੀ ਸਾਫ਼-ਸੰਭਾਲ ਬਾਰੇ ਜਾਗਰੂਕ ਹਨ, ਉਹ ਯਕੀਨੀ ਤੌਰ 'ਤੇ ਦਿਨ 'ਚ 2 ਵਾਰ ਬੁਰਸ਼ ਕਰਦੇ ਹਨ ਪਰ ਜ਼ਿਆਦਾਤਰ ਲੋਕ ਆਪਣੇ ਦੰਦਾਂ ਨੂੰ ਬੁਰਸ਼ ਕਰਦੇ ਹਨ ਤੇ ਆਪਣੀ ਜੀਭ ਨੂੰ ਸਾਫ਼ ਕਰਨਾ ਭੁੱਲ ਜਾਂਦੇ ਹਨ। ਬੱਸ ਤੁਹਾਡੀ ਇਹੀ ਗਲਤੀ ਮੂੰਹ ਵਿੱਚੋਂ ਬਦਬੂ ਆਉਣ ਦਾ ਕਾਰਨ ਬਣ ਜਾਂਦੀ ਹੈ।
2. ਚੀਨੀ ਘੱਟ ਖਾਓ
ਜਿਹੜੇ ਲੋਕ ਚਾਹ-ਕੌਫੀ, ਸਾਫਟ ਡਰਿੰਕਸ ਤੇ ਮਠਿਆਈਆਂ ਦੀ ਰੋਜ਼ਾਨਾ ਵਰਤੋਂ ਕਰਦੇ ਹਨ, ਉਨ੍ਹਾਂ ਨੂੰ ਵੀ ਸਾਹ 'ਚ ਬਦਬੂ ਦੀ ਸਮੱਸਿਆ ਹੋਣ ਲੱਗਦੀ ਹੈ ਕਿਉਂਕਿ ਸ਼ੂਗਰ ਕਾਰਨ ਤੁਹਾਡੇ ਮੂੰਹ 'ਚ ਬੈਕਟੀਰੀਆ ਵਧਣਾ ਸ਼ੁਰੂ ਹੋ ਜਾਂਦਾ ਹੈ, ਜਿਸ ਨਾਲ ਸਾਹ 'ਚ ਬਦਬੂ ਆਉਂਦੀ ਹੈ ਜੋ ਮੂਡ ਨੂੰ ਵਿਗਾੜਦੀ ਹੈ।
3. ਮੂੰਹ 'ਚ ਲੌਂਗ ਪਾਓ
ਖਾਣਾ ਖਾਣ ਤੋਂ ਬਾਅਦ ਤੇ ਰਾਤ ਨੂੰ ਸੌਣ ਤੋਂ ਪਹਿਲਾਂ ਜਾਂ ਜਦੋਂ ਵੀ ਤੁਹਾਡਾ ਮਨ ਹੋਵੇ, ਆਪਣੇ ਮੂੰਹ 'ਚ ਲੌਂਗ ਪਾਓ ਤੇ ਇਸ ਨੂੰ ਕੈਂਡੀ ਵਾਂਗ ਹੌਲੀ-ਹੌਲੀ ਚੂਸਦੇ ਰਹੋ। ਇਹ ਅਜਿਹਾ ਸ਼ਾਨਦਾਰ ਮਸਾਲਾ ਹੈ, ਜੋ ਸਾਹ ਦੀ ਬਦਬੂ ਨੂੰ ਵੀ ਦੂਰ ਕਰਦਾ ਹੈ ਤੇ ਦੰਦਾਂ ਨੂੰ ਵੀ ਸਿਹਤਮੰਦ ਬਣਾਉਂਦਾ ਹੈ।
4. ਤੁਸੀਂ ਕਿੰਨਾ ਪਾਣੀ ਪੀਂਦੇ ਹੋ?
ਸਾਹ ਦੀ ਬਦਬੂ ਤੋਂ ਬਚਣ ਲਈ ਇਹ ਜ਼ਰੂਰ ਕਰੋ ਕਿ ਤੁਸੀਂ ਦਿਨ 'ਚ ਕਿੰਨਾ ਪਾਣੀ ਪੀਂਦੇ ਹੋ ਕਿਉਂਕਿ ਜੇਕਰ ਤੁਸੀਂ ਰੋਜ਼ਾਨਾ 8 ਤੋਂ 10 ਗਿਲਾਸ ਪਾਣੀ ਨਹੀਂ ਪੀਂਦੇ ਹੋ ਤਾਂ ਤੁਹਾਡੇ ਲਈ ਸਾਹ 'ਚ ਬਦਬੂ ਆਉਣਾ ਆਮ ਗੱਲ ਹੈ। ਇਸ ਲਈ ਕਾਫੀ ਮਾਤਰਾ 'ਚ ਪਾਣੀ ਪੀਓ।
5. ਢਿੱਡ ਨੂੰ ਸਾਫ ਰੱਖੋ
ਜਿਨ੍ਹਾਂ ਲੋਕਾਂ ਨੂੰ ਕਬਜ਼ ਦੀ ਸਮੱਸਿਆ ਹੁੰਦੀ ਹੈ, ਉਨ੍ਹਾਂ ਨੂੰ ਸਾਹ ਦੀ ਬਦਬੂ ਦੀ ਸਮੱਸਿਆ ਵੀ ਹੁੰਦੀ ਹੈ। ਇਸ ਲਈ ਇਹ ਜ਼ਰੂਰੀ ਹੈ ਕਿ ਤੁਸੀਂ ਆਪਣੇ ਢਿੱਡ ਨੂੰ ਹਮੇਸ਼ਾ ਸਾਫ ਰੱਖੋ। ਜੇਕਰ ਤੁਹਾਨੂੰ ਕਬਜ਼ ਦੀ ਸਮੱਸਿਆ ਹੈ ਤਾਂ ਆਂਵਲਾ ਪਾਊਡਰ, ਤ੍ਰਿਫਲਾ, ਪੇਟ ਸਫਾ ਆਦਿ ਚੂਰਨ ਦਾ ਸੇਵਨ ਕਰਕੇ ਢਿੱਡ ਨੂੰ ਪੂਰੀ ਤਰ੍ਹਾਂ ਸਾਫ਼ ਰੱਖੋ।
Disclaimer: ਇਸ ਲੇਖ 'ਚ ਦੱਸੇ ਗਏ ਤਰੀਕਿਆਂ ਅਤੇ ਦਾਅਵਿਆਂ ਨੂੰ ਸਿਰਫ਼ ਸੁਝਾਵਾਂ ਵਜੋਂ ਲਓ। ਏਬੀਪੀ ਨਿਊਜ਼ ਇਨ੍ਹਾਂ ਦੀ ਪੁਸ਼ਟੀ ਨਹੀਂ ਕਰਦਾ। ਅਜਿਹੇ ਕਿਸੇ ਵੀ ਇਲਾਜ/ਦਵਾਈ/ਖੁਰਾਕ ਦੀ ਪਾਲਣਾ ਕਰਨ ਤੋਂ ਪਹਿਲਾਂ ਡਾਕਟਰ ਨਾਲ ਸਲਾਹ ਕਰੋ।
Check out below Health Tools-
Calculate Your Body Mass Index ( BMI )
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
