ISRO ਦੇ ਮਿਸ਼ਨ ਪੁਲਾੜ ਵਿੱਚ ਰੁਕਾਵਟ: ਸੈਟੇਲਾਈਟ ਆਰਬਿਟ ਵਿੱਚ ਸਥਾਪਤ ਨਹੀਂ ਹੋ ਸਕਿਆ GISAT-1
ਅੱਜ ਦਾ ਮਿਸ਼ਨ ਜੀਐਸਐਲਵੀ ਲਾਂਚ ਦਾ 14ਵਾਂ ਮਿਸ਼ਨ ਸੀ। ਹੁਣ ਤੱਕ 8 ਪੂਰੀ ਤਰ੍ਹਾਂ ਸਫਲ ਹੋਏ ਹਨ ਜਦੋਂ ਕਿ 4 ਅਸਫਲ ਰਹੇ ਹਨ ਅਤੇ 2 ਅੰਸ਼ਕ ਤੌਰ 'ਤੇ ਸਫਲ ਹੋਏ ਹਨ।
ਸ਼੍ਰੀਹਰਿਕੋਟਾ: ISRO ਨੇ ਅੱਜ ਸਵੇਰੇ 5.43 ਵਜੇ ਜੀਐਸਐਲਵੀ F-10 (ਮਾਰਕ 2) ਰਾਹੀਂ ਦੂਜੇ ਲਾਂਚ ਪੈਡ ਤੋਂ ਆਂਧਰਾ ਪ੍ਰਦੇਸ਼ ਦੇ ਸ਼੍ਰੀਹਰਿਕੋਟਾ ਤੋਂ ਧਰਤੀ ਨਿਰੀਖਣ ਉਪਗ੍ਰਹਿ ਲਾਂਚ ਕੀਤਾ। ਜੀਐਸਐਲਵੀ ਯਾਨੀ ਜੀਓਸਿੰਕਰੋਨਸ ਸੈਟੇਲਾਈਟ ਲਾਂਚ ਵਹੀਕਲ, ਜੋ ਕਿ ਧਰਤੀ ਦੇ ਨਿਰੀਖਣ ਸੈਟੇਲਾਈਟ (EOS-03) ਨੂੰ ਪੁਲਾੜ ਦੇ ਜੀਓਸਿੰਕ੍ਰੋਨਸ ਟ੍ਰਾਂਸਫਰ ਆਰਬਿਟ ਵਿੱਚ ਪਾਉਣ ਜਾ ਰਿਹਾ ਸੀ। ਪਰ ਤੀਜੇ ਪੜਾਅ ਦੇ ਵੱਖ ਹੋਣ ਦੌਰਾਨ ਕ੍ਰਿਓਜੈਨਿਕ ਇੰਜਨ ਵਿੱਚ ਕੁਝ ਤਕਨੀਕੀ ਸਮੱਸਿਆਵਾਂ ਕਾਰਨ ਉਪਗ੍ਰਹਿ ਟ੍ਰੈਜੈਕਟਰੀ ਤੋਂ ਵੱਖ ਹੋ ਗਿਆ।
ਉਪਗ੍ਰਹਿ ਨੂੰ ਜੀਓਸਟੇਸ਼ਨਰੀ ਆਰਬਿਟ ਵਿੱਚ ਰੱਖਿਆ ਜਾਣਾ ਸੀ। ਇਸ ਲਾਂਚ ਲਈ ਕਾਊਂਟਡਾਊਨ ਬੁੱਧਵਾਰ ਸਵੇਰੇ 03.43 ਵਜੇ ਸ਼ੁਰੂ ਹੋਇਆ ਸੀ। ਪੂਰਾ ਮਿਸ਼ਨ 18 ਮਿੰਟ 36 ਸਕਿੰਟਾਂ ਵਿੱਚ ਪੂਰਾ ਹੋਣਾ ਸੀ, ਪਰ ਮਿਸ਼ਨ ਦੀ ਸ਼ੁਰੂਆਤ ਦੇ 10 ਮਿੰਟਾਂ ਦੇ ਅੰਦਰ ਮਿਸ਼ਨ ਕੰਟਰੋਲ ਰੂਮ ਵਿੱਚ ਤਣਾਅ ਵਾਲਾ ਮਾਹੌਲ ਵੇਖਿਆ ਗਿਆ। ਜਿਸ ਕਾਰਨ ਅਜਿਹਾ ਲਗਦਾ ਸੀ ਕਿ ਮਿਸ਼ਨ ਦੇ ਤੀਜੇ ਹਿੱਸੇ ਵਿੱਚ ਕੁਝ ਤਕਨੀਕੀ ਨੁਕਸ ਵੇਖਿਆ ਗਿਆ ਹੈ।
ਕੁਝ ਹੀ ਮਿੰਟਾਂ ਵਿੱਚ ਇਸਰੋ ਦੇ ਮੁਖੀ ਕੇ ਸਿਵਨ ਨੇ ਰਾਸ਼ਟਰ ਨੂੰ ਦੱਸਿਆ ਕਿ ਮਿਸ਼ਨ ਪੂਰਾ ਨਹੀਂ ਹੋ ਸਕਿਆ ਕਿਉਂਕਿ ਕ੍ਰਾਇਓਜੈਨਿਕ ਇੰਜਨ ਦੀ ਕਾਰਗੁਜ਼ਾਰੀ ਵਿੱਚ ਤਕਨੀਕੀ ਖ਼ਰਾਬੀ ਆ ਗਈ ਹੈ। ਯਾਨੀ ਕੋਈ ਵੀ ਅਜਿਹੀ ਤਕਨੀਕੀ ਸਮੱਸਿਆ ਜਿਸ ਦੇ ਕਾਰਨ ਡਾਟਾ ਇਸਰੋ ਤੱਕ ਨਹੀਂ ਪਹੁੰਚ ਸਕਿਆ ਅਤੇ ਇਹ ਆਪਣੇ ਮਾਰਗ ਤੋਂ ਅਲੱਗ ਹੋ ਗਿਆ।
Watch Live: Launch of EOS-03 onboard GSLV-F10 https://t.co/NE3rVjNtHb
— ISRO (@isro) August 11, 2021
ਦੱਸ ਦੇਈਏ ਕਿ ਅੱਜ ਦਾ ਮਿਸ਼ਨ ਜੀਐਸਐਲਵੀ ਲਾਂਚ ਦਾ 14ਵਾਂ ਮਿਸ਼ਨ ਸੀ। ਹੁਣ ਤੱਕ 8 ਪੂਰੀ ਤਰ੍ਹਾਂ ਸਫਲ ਹੋਏ ਹਨ ਜਦੋਂ ਕਿ 4 ਅਸਫਲ ਰਹੇ ਹਨ ਅਤੇ 2 ਅੰਸ਼ਕ ਤੌਰ 'ਤੇ ਸਫਲ ਹੋਏ ਹਨ। ਇਹੀ ਕਾਰਨ ਹੈ ਕਿ ਜੀਐਸਐਲਵੀ ਮਾਰਕ 1 ਦੀ ਸਫਲਤਾ ਦਰ 29% ਹੈ ਜਦੋਂ ਕਿ ਜੀਐਸਐਲਵੀ ਮਾਰਕ 2 ਦੀ ਸਫਲਤਾ ਦਰ 86% ਹੈ।
ਦਰਅਸਲ ਇਸ ਉਪਗ੍ਰਹਿ ਦਾ ਨਾਂਅ GiSAT- 1 ਹੈ। ਪਰ ਇਸ ਦਾ ਕੋਡ ਨਾਂਏ EOS -03 ਦਿੱਤਾ ਗਿਆ ਸੀ। ਜੀਸੈਟ -1 ਦੀ ਲਾਂਚਿੰਗ ਪਿਛਲੇ ਸਾਲ ਤੋਂ ਮੁਲਤਵੀ ਹੋ ਰਹੀ ਸੀ। ਇਸ ਸਾਲ ਵੀ ਇਸ ਦੀ ਲਾਂਚਿੰਗ 28 ਮਾਰਚ ਨੂੰ ਤੈਅ ਕੀਤੀ ਗਈ ਸੀ। ਪਰ ਤਕਨੀਕੀ ਖਰਾਬੀ ਕਾਰਨ ਲਾਂਚ ਮੁਲਤਵੀ ਕਰ ਦਿੱਤਾ ਗਿਆ। ਇਸ ਤੋਂ ਬਾਅਦ ਅਪ੍ਰੈਲ ਅਤੇ ਮਈ ਵਿੱਚ ਲਾਂਚ ਦੀਆਂ ਤਾਰੀਖਾਂ ਵੀ ਨਿਰਧਾਰਤ ਕੀਤੀਆਂ ਗਈਆਂ ਸੀ। ਉਸ ਸਮੇਂ ਕੋਵਿਡ -19 ਨਾਲ ਸਬੰਧਤ ਪਾਬੰਦੀਆਂ ਕਾਰਨ ਲਾਂਚ ਨਹੀਂ ਹੋ ਸਕਿਆ। ਇਸ ਰਾਹੀਂ ਭਾਰਤ ਦੁਸ਼ਮਣ ਦੀ ਧਰਤੀ 'ਤੇ ਹਰ ਗਤੀਵਿਧੀ 'ਤੇ ਨਜ਼ਰ ਰੱਖਣ ਵਿੱਚ ਵਧੇਰੇ ਸਫਲ ਹੁੰਦਾ।
ਫ਼ੌਜ ਦੀ ਮਦਦ ਤੋਂ ਇਲਾਵਾ ਇਹ ਉਪਗ੍ਰਹਿ ਖੇਤੀਬਾੜੀ, ਜੰਗਲ, ਖਣਿਜ ਵਿਗਿਆਨ, ਆਫ਼ਤ ਚੇਤਾਵਨੀ, ਬੱਦਲ ਸੰਪਤੀਆਂ, ਬਰਫ਼, ਗਲੇਸ਼ੀਅਰ ਸਮੇਤ ਸਮੁੰਦਰ ਜਾਂ ਕਿਸੇ ਵੀ ਕਿਸਮ ਦੇ ਜੰਗਲਾਂ ਦੀ ਅਸਲ ਸਮੇਂ ਦੀ ਨਿਗਰਾਨੀ ਕਰਨ ਦੇ ਸਮਰੱਥ ਸੀ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
